College Fees: विद्यार्थ्यांची भरमसाठ फी कमी होणार? उच्च व तंत्रशिक्षणमंत्र्यांनी केलं ‘हे’ आवाहन – colleges should reduce tuition fees higher and technical education minister appeal



( प्रगत भारत । pragatbharat.com)

म. टा. प्रतिनिधी, पुणे

‘खासगी कॉलेजांमधील प्राध्यापकांच्या वेतनाची जबाबदारी सरकार घेईल, कॉलेजांनी शैक्षणिक शुल्क कमी करावे,’ असे आवाहन उच्च व तंत्रशिक्षणमंत्री चंद्रकांत पाटील यांनी राज्यातील संस्थाचालकांना केले आहे. ‘शिक्षणामध्ये होणारा गैरव्यवहार अतिशय वाईट आहे. शुल्क नियामक प्राधिकरणाने (एफआरए) शुल्क ठरवलेल्या कॉलेजांपैकी १० टक्के कॉलेजांना भेट देऊन प्रत्यक्ष खर्चाची पाहणी करणार आहे,’ असा इशाराही पाटील यांनी कॉलेजांना दिला आहे.

प्रोग्रेसिव्ह एज्युकेशन सोसायटीच्या मॉडर्न कॉलजातील शैक्षणिक उपक्रमांचे उद्घाटन डिजिटल पद्धतीने पाटील यांच्या हस्ते झाले. त्यानंतर ते बोलत होते. संस्थेचे कार्याध्यक्ष डॉ. गजानन एकबोटे, अध्यक्ष विघ्नहरी महाराज देव, आमदार सिद्धार्थ शिरोळे, कार्यवाह डॉ. शामकांत देशमुख, सहकार्यवाह डॉ. ज्योत्स्ना एकबोटे, सुरेश तोडकर, उपकार्यवाह डॉ. निवेदिता एकबोटे, प्रसेनजीत फडणवीस आदी उपस्थित होते.

‘राज्य सरकार उच्चशिक्षणाची जबाबदारी खासगी शिक्षण संस्थांवर ढकलून मोकळे झाले. राज्यातील खासगी महाविद्यालये जादा शुल्क आकारत असल्याने शिक्षण महागडे झाले आहे. या शुल्कातून प्राध्यापकांचे वेतन करण्यात येत असल्याचे कारण महाविद्यालयांकडून सांगितले जाते. अशा वेळी कॉलेजांमधील प्राध्यापकांची जबाबदारी राज्य सरकार घेईल, तर कॉलेजांनी शुल्क कमी करावे,’ असे आवाहन पाटील यांनी केले.

राज्य सरकारचे उच्चशिक्षणामधील प्राध्यापक-कर्मचाऱ्यांच्या वेतनासाठी १२ हजार कोटी रुपये खर्च होतात. खासगी महाविद्यालयांतील प्राध्यापकांच्या वेतनासाठी आणखी हजार रुपये लागतील. त्यामुळे हा खर्च १३ हजार कोटी होईल. दोन हजार ७२ प्राध्याकांच्या भरतीला मान्यता दिली आहे. याद्वारे विद्यार्थ्यांना गुणवत्तापूर्ण शिक्षण स्वस्तात मिळणे आवश्यक आहे. अन्यथा शिक्षण काही जणांसाठीच मर्यादित राहील. नव्या शैक्षणिक धोरणाला अनुसरून राज्यातील शंभर कॉलेजांमध्ये कॉम्बो अभ्यासक्रम राबवण्याची योजना आहे. या योजनेत ७० टक्के करिअरसाठीचा अभ्यासक्रम, तर ३० टक्के विद्यार्थ्यांच्या आवडीचे विषय शिकवले जातील, अशी माहिती पाटील यांनी दिली. या कार्यक्रमात महाविद्यालयातील इन्क्युबेशन सेंटर, व्हर्च्युअल प्रयोगशाळा, न्यूट्रिडिशन ॲप, आयपीआर सेंटरचे उद्घाटन; तसेच मुकुल माधव फाउंडेशनतर्फे अंध विद्यार्थ्यांना शैक्षणिक साहित्य वाटप, गुणवंत विद्यार्थ्यांचा सत्कारही करण्यात आला. डॉ. एकबोटे यांनी स्वायत्त महाविद्यालयांना येणाऱ्या अडचणींची माहिती देऊन त्याबाबत धोरण आखण्याची मागणी केली.

Internship Courses: विद्यार्थ्यांसाठी इंटर्नशिप कोर्सेस तयार करुन ‘क्रेडिट’ द्या- AICTE
‘उपरा म्हटले, पण पालकमंत्री झालो’
‘विद्यार्थी परिषदेच्या माध्यमातून शिक्षण क्षेत्रात वीस वर्षांहून अधिक काळ काम केले आणि उच्च व तंत्रशिक्षणमंत्री झालो. माझे वडील गिरणी कामगार होते, आता टेक्सटाइल उद्योगांशी संबंधित असणाऱ्या खात्याचा वस्त्रोद्योगमंत्री झालो. देवेंद्रजींनी मला पुण्यातील कोथरूड मतदारसंघाचे तिकीट दिले, तेव्हा मला उपरा, बाहेरचा म्हटले. पण आता पुण्याचा पालकमंत्री झालो. मला बाहेरचा म्हटल्याने काहीही फरक पडत नाही. आयुष्यात कधीही अपयश पाहिलेले नाही,’ अशी टिप्पणीही चंद्रकांत पाटील यांनी केली.

शाळांतील ग्रंथालये नावापुरतीच, शिक्षण विभागाच्या तपासणीत धक्कादायक खुलासा
महाविकास आघाडी सरकारने सार्वजनिक विद्यापीठ कायद्यात केलेले बदल मान्य नाहीत. या बदलांना मान्यता दिली जाणार नाही. त्यामुळे सरकारने कायद्याचे विधेयक परत मागविले आहे. महाविकास आघाडीच्या काळात शैक्षणिक धोरणाची अंमलबजावणी ठप्प होती. मात्र, आता केंद्र सरकारनुसार धोरणाची जोमाने अंमलबजावणी करण्यात येईल.
– चंद्रकांत पाटील, उच्च व तंत्रशिक्षणमंत्री

Stop Homework: ‘गृहपाठ बंदीमुळे विद्यार्थ्यांच्या होणाऱ्या नुकसानास सरकार जबाबदार’

Related posts