HSC Exam Application Process from 1st October



( प्रगत भारत । pragatbharat.com)

म. टा. प्रतिनिधी, नाशिक

राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च महिन्यात होणाऱ्या बारावीच्या परीक्षेसाठी शनिवार (दि. १ ऑक्टोबर)पासून मंडळामार्फत अर्ज भरण्याची प्रक्रिया सुरू करण्यात आली आहे. १ ऑक्टोबरपासून ५ नोव्हेंबरपर्यंत दोन टप्प्यांत हे अर्ज भरून घेतले जाणार असल्याची माहिती नाशिक विभागीय मंडळामार्फत देण्यात आली.

राज्य मंडळामार्फत काही दिवसांपूर्वी दहावी, तसेच बारावीच्या परीक्षांचे वेळापत्रक जाहीर करण्यात आले होते. यापैकी बारावीच्या परीक्षेसाठी अर्ज दाखल करण्याचे वेळापत्रक राज्य मंडळामार्फत जाहीर करण्यात आले आहे. उच्च माध्यमिक शाळा, कनिष्ठ महाविद्यालयातील सायन्स, आर्ट आणि कॉमर्सच्या केवळ नियमित विद्यार्थ्यांना सरल पोर्टलद्वारे अर्ज दाखल करता येणार आहेत.

या विद्यार्थ्यांना १ ते २१ ऑक्टोबरदरम्यान अर्ज दाखल करावे लागणार आहेत. संबंधित उच्च माध्यमिक विद्यालय किंवा ज्युनिअर कॉलेजला ही प्रक्रिया पार पाडावी लागणार आहे. व्यवसाय अभ्यासक्रम शाखांचे नियमित विद्यार्थी, पुनर्परीक्षार्थी, नावनोंदणी प्रमाणपत्र प्राप्त झालेले खासगी विद्यार्थी, श्रेणीसुधार योजनेंतर्गतचे विद्यार्थी, ‘आयटीआय’चे विद्यार्थी यांना ऑनलाइन अर्ज भरण्यासाठी २२ ऑक्टोबर ते ५ नोव्हेंबरदरम्यान मुदत देण्यात आलेली आहे.

हे अर्ज दाखल करण्यासाठी संबंधित विद्यार्थ्यांची सरल पोर्टलवर नोंदणी केलेली असणे आवश्यक आहे. व्यवसाय अभ्यासक्रमाच्या विद्यार्थ्यांची नोंदणी सरल पोर्टलवर नसल्यामुळे त्यांचे अर्ज मात्र केवळ सरल पोर्टलमधून न भरता प्रचलित ऑनलाइन पद्धतीने भरावे लागणार आहेत. ही मुदत नियमित शुल्काद्वारे आवेदनपत्रे भरावयाची असून, यामध्ये कोणतीही मुदतवाढ दिली जाणार नसल्याचे मंडळामार्फत स्पष्ट करण्यात आले आहे.

MRVC Recruitment: मुंबई रेल्वे विकास कॉर्पोरेशनमध्ये भरती, ‘येथे’ पाठवा अर्ज
दहावी-बारावी परीक्षांचे वेळापत्रक जाहीर
महाराष्ट्र राज्य माध्यमिक व उच्च माध्यमिक शिक्षण मंडळाकडून दहावी, बारावी परीक्षांचे संभाव्य वेळापत्रक जाहीर करण्यात आले आहे. पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर या नऊ विभागासाठी मंडळातर्फे परीक्षा घेण्यात येईल. राज्य शिक्षण मंडळाने जाहीर केलेल्या संभाव्य वेळापत्रकानुसार बारावीची परीक्षा २१ फेब्रुवारी २०२३ ते २० मार्च २०२३ या कालावधीत होणार आहे. तर दहावीची परीक्षा २ मार्च २०२३ ते २५ मार्च या कालावधीत घेतली जाणार आहे.

कालावधीमध्ये आयोजित केलेले दिनांकनिहाय सविस्तर संभाव्य वेळापत्रक मंडळाच्या अधिकृत www.mahahsscboard.in वेबसाइटवर जाहीर करण्यात आले आहे. शाळा / कनिष्ठ महाविद्यालय व विद्यार्थ्यांना अभ्यासक्रमाचे नियोजन करण्याचे हेतूने तसेच विद्यार्थ्यांच्या मनावरील ताण कमी होण्याचे दृष्टीने फेब्रुवारी-मार्च २०२३ च्या लेखी परीक्षेचे संभाव्य वेळापत्रक जाहीर करण्यात आलेले आहे.

MPSC Exam: महाराष्ट्र लोकसेवा आयोगाकडून पदभरती परीक्षांचे वेळापत्रक जाहीर
SBI Recruitment: एसबीआय बॅंँकेत मेगाभरती, ग्रॅज्युएट उमेदवारांना नोकरीची संधी

Related posts