shraddha walkar murder case latest update, फ्रिज घेताना श्रद्धाचा नंबर, मग त्यातच तिचे तुकडे ठेवले; आफताबच्या डोक्यात नेमकं होतं तरी काय? – delhi crime news aftab poonawala gave shraddhas number while buying fridge and kept her pieces in that fridge shocking news



( प्रगत भारत । pragatbharat.com)

नवी दिल्ली: दिल्लीतील श्रद्धा वालकर हत्याकांडप्रकरणी दिल्ली पोलीस कसून तपास करत आहेत. दिवसेंदिवस याप्रकरणी नवीन माहिती उघड होत आहे. सध्या दिल्ली पोलिसांनी या प्रकरणी आणखी एक धक्कादायक माहिती सार्वजनिक केली आहे. दिल्ली पोलिसांनी सांगितले की, १८ मे रोजी श्रद्धाची गळा आवळून हत्या केल्यानंतर आफताब अमीन पूनावाला हा पुढील १२ तासांत फ्रिज खरेदी करण्यासाठी गेला होता. आरोपीने ३०० लिटरचा फ्रिज विकत घेतला आणि त्याच्या बिलावर श्रद्धाचा मोबाईल नंबर लिहिला होता. त्यावेळी श्रद्धाचा मोबाईल फोन फक्त आफताबजवळच होता. इलेक्ट्रॉनिक शोरूममध्ये काम करणाऱ्या एका कर्मचाऱ्यानेही याला दुजोरा दिला आहे.

पोलिसांनी दिलेल्या माहितीनुसार, आफताब पूनावाला याने १८ मेच्या रात्री श्रद्धाची गळा आवळून हत्या केली. यानंतर तो रात्रभर तिच्या मृतदेहासोबत तिच्याच खोलीत राहिला. गुन्हा केल्यानंतर, त्याने बिअर प्यायली, झोमॅटोवरुन जेवण ऑर्डर केले आणि ते खाल्ले. त्यानंतर रात्री उशिरापर्यंत नेटफ्लिक्सवर चित्रपट पाहिला. दुसऱ्या दिवशी सकाळी उठल्यानंतर त्याने श्रद्धाच्या मृतदेहाची विल्हेवाट लावण्याचा विचार केला.

हेही वाचा -माझ्यावरही श्रद्धासारखी परिस्थिती ओढवली असती, स्वत:शीच लग्न करणाऱ्या अभिनेत्रीची धक्कादायक कहाणी

त्यानुसार तो पहिले बाजारात गेला, तेथून त्याने शरीराचे तुकडे करण्यासाठी चाकू आणि इतर शस्त्रं खरेदी केली. त्यानंतर आफताबने फ्रिज विकत घेतला. पोलिसांच्या माहितीनुसार, फ्रिज खरेदी करताना आफताबने बिलावर श्रद्धाचा मोबाईल नंबर लिहिला होता. पोलिसांनी आरोपीच्या घरातून हे बिल जप्त केले आहे.

मृतदेहाचे ३५ तुकडे करुन फ्रिजमध्ये ठेवले

बाजारातून परतल्यानंतर आफताबने जेवण केलं आणि त्यानंतर मृतदेहाची विल्हेवाट लावण्यास सुरुवात केली. यासाठी त्याने पहिल्यांदा श्रद्धाचा मृतदेह खोलीतून ओढून किचनमध्ये आणला. जिथे त्याने मृतदेह कापण्याचा प्रयत्न केला. मात्र, किचनमध्ये जागा कमी असल्याने त्याने मृतदेह पुन्हा ओढून बाथरुममध्ये नेला. जिथे त्याने मृतदेहाचे ३५ तुकडे केले आणि त्यानंतर ते व्यवस्थित धुवून पुसून पॉलिथिनमध्ये गुंडाळले आणि मग ते फ्रिजमध्ये ठेवले.

हेही वाचा – IND VS NZ: वर्ल्ड कपच्या पराभवातून धडा घेतला, रोहितने केलेल्या चुका हार्दिक पंड्याने सुधारल्या…

तीन आठवड्यांनंतर दुर्गंधी येऊ लागल्याने तुकडे जंगलात फेकले

या प्रकरणाचा तपास करत असलेल्या पोलीस अधिकाऱ्यांच्या म्हणण्यानुसार, आरोपी आफताबने किमान तीन आठवडे श्रद्धाच्या शरीराचे ते ३५ तुकडे फ्रिजमध्ये ठेवले होते. श्रद्धाचा चेहरा पाहण्यासाठी तो दररोज फ्रिज उघडत होता. मात्र, यादरम्यान शरीराचे हे अवयव खराब होऊ लागले. या अवयवातून दुर्गंधी येऊ लागल्यावर आफताबने त्याची विल्हेवाट लावण्याचा विचार केला.

तीन आठवड्यांनंतर आरोपीने श्रद्धाच्या शरीराचे तुकडे एक-एक करून पिशवीत घेऊन जंगलात जाण्यास सुरुवात केली, तिथे तो ते तुकडे फेकायचा जेणेलकरुन कोणी जंगली प्राणी ते खातील. पुढच्या दोन महिन्यांत त्याने त्यांची विल्हेवाट लावली.

बलात्काऱ्यांना मंत्री केलं अन् आव्हाडांवर खोटा गुन्हा, हा कोणता न्याय; सक्षणा सलगरांची संतप्त प्रतिक्रिया

Related posts