Kolhapur’s flag will fly in Qatar, फिफा वर्ल्डकपमध्ये भारताचा संघ नाही, पण तरीही कतारमध्ये फडकणार कोल्हापूरचा झेंडा – fifa world cup 2022 india football team is not in football world cup but kolhapurs flag will fly in qatar



( प्रगत भारत । pragatbharat.com)

कोल्हापूर: फिफा विश्वचषक २०२२ (FIFA World Cup 2022) ला शानदार सुरुवात झाली आहे. यंदाच्या फुटबॉल विश्वचषकाचे यजमानपद कतारकडे (FIFA World Cup 2022 Qatar) आहे, त्यामुळे देशभरातील कानाकोपऱ्यातून मोठ्या प्रमाणावर फुटबॉलप्रेमी कटरमध्ये जाऊन पोहोचले आहेत. २९ दिवस चालणाऱ्या या स्पर्धेतील पहिला सामना यजमान कतार आणि इक्वेडोरमध्ये खेळवला गेला. ज्यात यजमान संघाला पराभवाला सामोरे जावे लागले. या विश्वचषकामध्ये भलेही भारताचा संघ सामील नसला तरी थेट कोल्हापूरचा झेंडा मात्र कतारमध्ये फडकणार आहे. तुम्हाला प्रश्न पडला असेल हे कसं शक्य आहे. चला जाणून घेऊया.

पाश्चात्य देशात जशी फुटबॉलची क्रेझ आहे तशीच भारताच्या महाराष्ट्रातील एक जिल्ह्यातही फुटबॉलची तशीच क्रेझ पाहायला मिळते. फुटबॉलची पंढरी म्हणणाऱ्या कोल्हापुरात शिखर संस्था कोल्हापूर स्पोर्टस् असोसिएशन (Kolhapur Sports Association) आहे. या स्पोर्ट्स असोसिएशनचा झेंडा लवकरच फिफा विश्वचषकामध्ये फडकवण्यात येणार आहे आणि हे काम येथील स्थानिक तरुण करणार आहे.

कोल्हापुरातील हा स्थानिक तरुण मेकॅनिकल इंजिनिअर म्हणून कतार येथे नोकरीच्या निमित्ताने जाणार्‍या पन्हाळगडावरील एका युवकाने निर्धार हा आगळावेगळा निर्धार केला आहे. या युवकाचे नाव अर्शिल समीर मुजावर आहे. तो येत्या बुधवारी केएसएचा ध्वज घेऊन कतारला जाण्यासाठी रवाना होणार आहे. जिथेय फिफा विश्वचषक २०२२ खेळवला जात आहे.

अर्शिल हा सेंट झेवियर्स हायस्कूल व विवेकानंद महाविद्यालयाचा विद्यार्थी असून त्याने फुटबॉलपटू, अ‍ॅथलिट म्हणून विविध स्पर्धांत सहभाग नोंदवला. पुण्याच्या ऑल इंडिया श्री शिवाजी मेमोरियल सोसायटी आणि सावित्रीबाई फुले विद्यापीठात मेकॅनिकल इंजिनिअर ही पदवी त्याने प्राप्त केली. त्याला कतार येथे नोकरी लागल्याने तो येत्या बुधवारी कतारला रवाना होत आहे. फुटबॉल वर प्रेम असल्याने त्याने कतारच्या फुटबॉल सामन्यात कोल्हापूरचा झेंडा फडकवण्याचा निश्चय केला असून तो हा झेंडा घेऊन बुधवारी रवाना होत आहे.

भारतीय फुटबाॅल विश्वात कोलकाता, गोव्यानंतरचा सर्वात मोठा चाहता वर्ग असलेले शहर म्हणून कोल्हापूर देशभरात प्रसिद्ध आहे. कोल्हापूरमधील पेठापेठांमध्ये आपल्याला फुटबॉल प्रेमी पाहायला मिळतात. शिवाय या पेठापेठांमध्ये दरवर्षी केएसए लीग देखील भरत असते. सध्या कतारमध्ये सुरू असलेल्या फिफा वर्ल्ड कपची क्रेझ ही कोल्हापुरात पाहायला मिळत आहे. कोल्हापुरातील चौका चौकात मेसी रोनाल्डो यांचे पोस्टर झळकत असले तरी आता थेट कतार येथे कोल्हापूरचा झेंडा फडकणार आहे.

Related posts