State Excise Department Has Seized Foreign Liquor Worth Rs 1 Crore In Pune 



( प्रगत भारत । pragatbharat.com)

Pune Crime News : राज्य उत्पादन शुल्क विभागाच्या ( State Excise Department) पथकाने पुण्यात (Pune) मोठी कारवाई केली आहे. पुण्याजवळ असलेल्या तळेगाव दाभाडे शहराच्या हद्दीत 87 लाख 89 हजार 520 रूपये किंमतीचे विदेशी मद्य ( foreign liquor) जप्त केलं आहे. त्यासोबतच एकूण 1 कोटी 5 लाख 7 हजार 520 रुपये किमतीचा मुद्देमाल जप्त करण्यात आला आहे. पुणे जिल्ह्यातील मागील सहा महिन्यातील आजची सर्वात मोठी कारवाई असल्याची माहिती पोलिसांनी दिलीय. या प्रकरणी दोघांना अटक करण्यात आली असून त्यांच्यावर महाराष्ट्र  दारुबंदी कायदा 1949 सह विविध कलमांतर्गत  गुन्हा दाखल केला आहे, अशी माहिती अधीक्षक राज्य उत्पादन शुल्क चरणसिंह राजपूत यांनी दिली. वाहन चालक प्रवीण परमेश्वर पवार ( वय 24 ) आणि देविदास विकास भोसले  (वय 29 ) अशी अटक करण्यात आलेल्या दोघांची नावे आहेत.   
 
जुन्या पुणे- मुंबई महामार्गावर हॉटेल शांताई समोरील रोडवर ही  कारवाई करण्यात आली आहे. राज्य उत्पादन शुल्क तळेगाव पथकाने  सापळा रचून गोवा राज्य निर्मीत आणि केवळ गोवा राज्यात विक्रीसाठी आणलेला विदेशी मद्याचा साठा घेऊन जाणाऱ्या भारत बेंझ कंपनीचा ट्रक आडवला. यावेळी पोलिसांनी ट्रकची तपासणी केली असता त्यामध्ये विदेशी मद्य आढळून आले. पोलिसांनी तत्काळ कारवाई करत हा ट्रक ताब्यात घेतला.  क्र.एम एच 47 एफ – 6138 या क्रमांकाचा ट्रक जप्त करुन कारवाई करण्यात आली आहे.

या ट्रकमध्ये  रिअल व्हिस्की 750 मि.लीच्या 4 हजार 164 सीलबंद बाटल्या, रिअल व्हिस्की 160 मि.लीच्या 5 हजार 760 सीलबंद बाटल्या, रॉयल ब्ल्यू व्हिस्की 750 मि.लीच्या 9 हजार 600 सीलबंद बाटल्या असे विदेशी मद्याचे एकूण 1 हजार 267 खोके जप्त करण्यात आले.  मद्य आणि वाहनासह इतर जप्त मुद्देमालाची किंमत 1 कोटी 5 लाख 7 हजार 520 रुपये इतकी आहे. दरम्यान, या प्रकरणी आणखी काही माहिती मिळते का? याबाबत पोलिस कसून तपास करत आहेत. या प्रकरणात आणखी काही धागे-दोरे हाती लागतात का? याबाबत पोलिसांनी तपास सुरू केला आहे. 

महत्वाच्या बातम्या

reels

धक्कादायक! स्टेट बँक ऑफ इंडियामध्ये गेल्या पाच वर्षात तब्बल 80 हजार 865 कोटी रूपयांची फसवणूक   

Related posts