On-this-day-24-november-in-history-indian-Amol Palekar Birthday Former Maharashtra Chief Minister Marotrao Kannamwar Death Anniversary



( प्रगत भारत । pragatbharat.com)

मुंबई : अभिनेता आणि दिग्दर्शक अमोल पालेकर यांचा जन्म 24 नोव्हेंबर 1944 रोजी झाला. हिंदी चित्रपटांव्यतिरिक्त अमोलने मराठी चित्रपटातही काम केलं आहे. हिंदी सिनेप्रेमींसाठी त्यांचे नाव ऐकताच गोलमाल चित्रपटातील रामप्रसाद दशरथप्रसाद शर्मा यांचा चेहरा समोर येतो. गंभीर अभिनयासोबतच अमोल पालेकरने आपल्या विनोदी अभिनयाने प्रेक्षकांना खळखळून हसवण्यातही यश मिळवले आहे. फार कमी लोकांना माहित असेल की अभिनय आणि दिग्दर्शन क्षेत्रात येण्यापूर्वी अमोल बँकेत नोकरी करत होते. ते बँक ऑफ इंडियामध्ये लिपिक पदावर होते. याशिवाय अमोल पालेकर हे सामाजिक कार्यातही सक्रिय असतात.

1675: शिखांचे नववे गुरू गुरू तेग बहादूर यांची पुण्यतिथी 

गुरु तेग बहादूर हे शिखांचे नववे गुरू होते. जे पहिले गुरु नानक यांनी दाखविलेल्या मार्गावर चालले होते. त्यांनी रचलेल्या 115 श्लोकांचा गुरू ग्रंथसाहिबमध्ये समावेश आहे. त्यांनी काश्मिरी पंडित आणि इतर हिंदूंचे जबरदस्तीने इस्लाममध्ये धर्मांतर करण्यास विरोध केला होता.

1859: चार्ल्स डार्विनने आपला उत्क्रांतीचा सिद्धांत मांडणारा जगप्रसिद्ध ग्रंथ ’ओरिजिन ऑफ द स्पिशिज’ प्रकाशित केला.

News Reels

पृथ्वीवर जीवन कसे विकसित झाले? आणि माणसं कशी आली? आजही याबाबत एकवाक्यता नाही, पण, आपले पूर्वज माकड होते, असे आपण लहानपणापासून ऐकत आलो आहोत आणि कालांतराने आपला विकास होत गेला. आपण माकडापासून मानव कसे झालो? याचा शोध चार्ल्स डार्विनने लावला. डार्विनचे ​​’ओरिजिन ऑफ द स्पिशिज’ हे पुस्तक 24 नोव्हेंबर 1859 रोजीच प्रकाशित झाले. या पुस्तकात ‘थिअरी ऑफ इव्होल्यूशन’ असा एक लेख आहे. यामध्ये आपण माकडापासून मानव कसे बनलो हे सांगितले आहे. चार्ल्स डार्विनचा असा विश्वास होता की आपल्या सर्वांचे पूर्वज समान आहेत. आपले पूर्वज माकडे होते असा त्यांचा सिद्धांत होता. काही माकडे वेगवेगळ्या ठिकाणी वेगवेगळ्या पद्धतीने राहू लागली. त्यामुळे त्यांच्यात गरजेनुसार हळूहळू बदल होऊ लागले. हा बदल त्यांच्या पुढच्या पिढीत दिसून आला.

1955: इंग्लंडचा अष्टपैलू क्रिकेटपटू इयान बोथम यांचा जन्मदिवस 

इयान बोथम (जन्म 24 नोव्हेंबर 1955) हे इंग्लंडचे माजी क्रिकेट कर्णधार आणि सध्याचे क्रिकेट समालोचक आहेत. ते एक अष्टपैलू खेळाडू म्हणून खेळले जातात.

1961: अरुंधती रॉय यांचा जन्मदिवस 

अरुंधती  रॉय (जन्म 24 नोव्हेंबर 1961) या एक इंग्रजी लेखिका आणि समाजसेवी आहे. त्यांनी काही चित्रपटांमध्येही काम केले आहे. लेखनाव्यतिरिक्त, “द गॉड ऑफ स्मॉल थिंग्ज” साठी बुकर पारितोषिक मिळालेल्या अरुंधती रॉय यांनी नर्मदा बचाव आंदोलनासह भारतातील इतर जनआंदोलनातही भाग घेतला आहे.

1963 : महाराष्ट्राचे माजी मुखमंत्री मारोतराव कन्नमवार यांचे पुण्यतिथी (जन्म: 10 जानेवारी 1900)

मारोतराव कन्नमवार हे भारतीय राजकारणी होते. 20 नोव्हेंबर 1962 ते 24 नोव्हेंबर 1963 या काळात ते महाराष्ट्राचे दुसरे मुख्यमंत्री होते आणि त्यांच्या कार्यकाळात त्यांचे निधन झाले. ते चंद्रपूर जिल्ह्यातील साओली विधानसभा मतदारसंघातील भारतीय राष्ट्रीय काँग्रेसचे राजकारणी होते. 

Related posts