[ad_1]
( प्रगत भारत । pragatbharat.com)
रोहित यावेळी शतकानंतर वनडेसारखे द्विशतक झळकावेल, असे चाहत्यांना वाटत होते. पण रोहित यावेळी जास्त काळ टिकू शकला नाही. रोहितने यावेळी १० चौकार आणि दोन षटकारांच्या जोरावर १०३ धावांची खेळी साकारली. रोहितने ९९ धावांवर असताना चौकार लगावला आणि त्याच्या १०३ धावा झाल्या. पण त्यानंतर रोहितला यावेळी एकही धाव करता आली नाही.
फलंदाजीस प्रतिकूल खेळपट्टीवर यशस्वी जयस्वाल आणि रोहित शर्मा या भारताच्या नव्या सलामीच्या जोडीने वेस्ट इंडिजविरुद्धच्या मालिकेतील पहिल्या कसोटी क्रिकेट सामन्यात भक्कम सलामी दिली. दोघांनीही दमदार अर्थशतकी खेळी करून भारताला पहिल्या डावात आघाडी मिळवून दिली. वेस्ट इंडिजला १५० धावात गुंडाळलेल्या भारताने गुरुवारी दुसऱ्या दिवशी दमदार सुरुवात केली होती. यामध्ये रोहित आणि यशस्वी यांच्या शतकांचा समावेश होता.
भारताने वेस्ट इंडिजविरुद्धचे अपेक्षित वर्चस्व दुसऱ्या दिवशी अधिक भक्कम केले. पहिल्या दिवशी तिसऱ्या सत्रात यशस्वी आणि रोहितने वेगाने धावा केल्या होत्या; पण दुसऱ्या दिवशी पहिल्या सत्रात या दोघांनी ३२ षटकांत ६६ धावाच केल्या. संथ फलंदाजीकरता अर्थात दोष या दोघांचा नव्हता. पहिल्या दिवसापासून धूळ उडत असलेल्या खेळपट्टीवर संयम मोलाचा आहे. या दरम्यान दोन्ही सलामीवीरांनी अर्धशतक केले. रोहितने ९२वे आंतरराष्ट्रीय अर्धशतक केले, तर यशस्वीने पदार्पणात अर्धशतक ठोकले. विंडीजने ही जोडी फोडण्यासाठी सात गोलंदाजांचा वापर केला. त्यातील फिरकी गोलंदाजांनी भारतीय फलंदाजांना जास्त चकवले. खेळपट्टीवरून चेंडू खूपच वळत असल्याचा फायदा त्यांनी घेतला. मात्र, भारताच्या सलामी जोडीने संयम गमावला नाही. दोघांनीही आपली शतकं पूर्ण केली. शतकानंतर मात्र रोहित लगेच बाद झाला आणि भारतीय संघाला पहिला धक्का बसला.
[ad_2]
