[ad_1]

( प्रगत भारत । pragatbharat.com)

संसदेच्या सुरक्षेत मोठी गडबड झाल्याचा परिणाम राज्यातील नागपूर अधिवेशनावर दिसून येत आहे. लोकसभेत दोन तरूणांनी गॅलरीतून हॉलमध्ये उडी मारली आणि एकच गोंधळ उडाला. या घटनेनंतर राज्यात सुरू असलेल्या हिवाळी अधिवेशनादरम्यान गॅलरी पासही बंद करण्यात आले आहेत. विधिमंडळाने हा महत्त्वपूर्ण निर्णय घेतला आहे.

बुधवारी लोकसभेत दोन जणांनी गॅलरीतून उड्या मारून सभागृहात प्रवेश केला. या घटनेनंतर काही खासदारांनी ‘घुसखोरांना’ पकडून सुरक्षा कर्मचाऱ्यांच्या हवाली केले. या घटनेनंतर सभागृहाचे कामकाज दुपारी २ वाजता तहकूब करण्यात आले. या घटनेचा परिणाम महाराष्ट्रावरही झाला आहे.

गॅलरी पासेस बंद

लोकसभेच्या घटनेनंतर नागपूर अधिवेशनातही गॅलरी पासेस बंद करण्यात आले आहेत. विधिमंडळाने दोन्ही सभागृहात गॅलरी पास देणे बंद केले आहे. या दोघांनीही लोकसभेच्या दालनातून सभागृहात उडी मारताच विधिमंडळाने तातडीने निर्णय घेतला. विधान परिषदेच्या उपसभापती डॉ.नीलम गोरे यांनी सभागृहात ही माहिती दिली.

पोलिसांनीही अतिरिक्त बंदोबस्त वाढवला

लोकसभेत घडलेल्या घटनेनंतर राज्यातील विधान भवन परिसरात सुरक्षा वाढवण्यात आली आहे. विधानभवन परिसरातील सर्व कामकाजावर पोलिस यंत्रणा लक्ष ठेवून असल्याचे सांगण्यात येत आहे. काही तरुणांनी लोकसभेच्या सुरक्षेचा भंग केल्याची माहिती महाराष्ट्रातून प्राप्त झाली आहे.

हेही वाचा