Actress Radhika Apte Birthday; Know Her Educational Qualification



( प्रगत भारत । pragatbharat.com)

Radhika Apte Education: ७ सप्टेंबर हा बॉलिवूड अभिनेत्री राधिका आपटेचा वाढदिवस आहे. तरुणांमध्ये राधिका आपटेचा खास चाहता वर्ग आहे. राधिका धाडसी, स्पष्टवक्ती असून ती प्रत्येक मुद्द्यावर आपले मत व्यक्त करते. वेब सिरीजच्या जमान्यात अप्रतिम अभिनय आणि भूमिका निवडीने तिने बॉलिवूडमध्ये स्वत:ची वेगळी ओळख निर्माण केली आहे. पॅडमॅन, मांझी द माउंटन मॅन, अहिल्या (लघुपट) यांसारख्या सामाजिक विषयांवरील चित्रपट तिने निवडले. राधिकाने केवळ पडद्यावरच नाही तर शालेय आणि महाविद्यालयीन जीवनातही आपली क्षमता सिद्ध केली आहे. राधिका आपटे कितवी शिकली? कोणत्या कॉलेजमध्ये शिकली असे अनेक प्रश्न विचारले जातात. त्याची उत्तरे जाणून घेऊया.

राधिका आपटेने आपल्या मेहनतीच्या जोरावर अल्पावधीतच ओळख निर्माण केली आहे. तिच्या जबरदस्त अभिनय कौशल्याचा आणि प्रतिभेचा अंदाज तिच्या वेगवेगळ्या भाषांमध्ये केलेल्या चित्रपटांवरून लावता येतो. हिंदी, मराठी, मल्याळम, तेलगू, बंगाली आणि तमिळ अशा अनेक भाषांमध्ये तिने चित्रपट केले आहेत.

राधिका आपटे यांचा जन्म ७ सप्टेंबर १९८५ रोजी पुण्यात झाला. राधिकाच्या वडिलांचे नाव डॉ. चारुदत्त आपटे असून ते पुण्यातील प्रसिद्ध न्यूरो सृजनांपैकी एक आहेत. आणि त्यांची आई गृहिणी असून त्यांचे शिक्षण पुण्यातील फर्ग्युसन महाविद्यालयातून झाले आहे. राधिका आपटेच्या आई-वडिलांनी तिला चित्रपटात येऊन काम करण्यास नेहमीच पाठिंबा दिला आहे.

Chandrakant Patil Education: उच्च आणि तंत्रशिक्षणमंत्री चंद्रकात पाटील यांचे शिक्षण किती? जाणून घ्या

राधिका आपटेला सुरुवातीपासूनच नाटक आणि रंगभूमीची आवड होती. पण उच्चशिक्षित कुटुंबातील असल्याने तिचे शिक्षण होणेही गरजेचे होते. त्यांनी पुण्याच्या फर्ग्युसन महाविद्यालयातून ( Fergusson college) अर्थशास्त्र विषयात पदवी घेतली. शालेय जिवनापासूनच तिने नाटकात काम करण्यास सुरुवात केली आणि त्याच वेळी तिने संगीत आणि नृत्याच्या ट्रिनिटी लॅबन कॉन्झर्व्हटोअर (लंडन इंग्लंड) कडून समकालीन नृत्याचे प्रशिक्षण देखील घेतले आहे.

आर्थिक परिस्थितीमुळे अर्धवट सोडले होते कॉलेज, मुख्यमंत्री एकनाथ शिंदे यांचे शिक्षण किती? जाणून घ्या
शालेय जीवनापासूनच अभिनयाची आवड असल्याने राधिकाने आपल्या करिअरची सुरुवात नाटक आणि नाटकातून केली. शाहिद कपूरसोबत ‘वाह लाइफ हो तो ऐसी’ या चित्रपटातून तिने बॉलिवूडमध्ये एन्ट्री केली. राधिका प्रत्येक चित्रपटात तिच्या अभिनयाबाबत खूप जागरूक होती आणि याच दरम्यान तिच्या अभिनयाची दखल बॉलीवूड अभिनेता राहुल बोसने तिच्या ‘बॉम्बे ब्लॅक’ या नाटकात घेतली होती. राहुलने राधिकाचे नाव अनिरुद्ध रॉय चौधरी या बंगाली दिग्दर्शकाला सुचवले, ज्याने राधिकासोबत ‘अँथीन’ हा बंगाली चित्रपट केला होता.

‘घो मला असला हवा”, हा राधिकाचा पहिला मराठी चित्रपट होता. या चित्रपटातील तिच्या अभिनयाचे खूप कौतुक झाले आणि त्यानंतर तिने अनेक मराठी चित्रपटांमध्ये काम केले. आणि त्याचप्रमाणे त्याच्या अभिनयातून तिची फॅन फॉलोइंग वाढत गेली. हिंदी वेब सीरिजमध्ये राधिका आपटे सातत्याने दिसत असते.

Nagraj Manjule Education: नागराज मंजुळे दहावीत दोनवेळा नापास, कधी निराश झालात तर ‘ही’ मार्कशीट नक्की पाहा

Related posts