pm narendra modi birthday, मोदींकडे ना घर, ना गाडी, फक्त इतकी कॅश, वाचा पंतप्रधानांच्या संपत्तीचा उतारा – pm narendra modi 72th birthday how much wealth he has cash assets car and house



( प्रगत भारत । pragatbharat.com)

नवी दिल्ली:पंतप्रधान नरेंद्र मोदी यांचा आज ७२ वा वाढदिवस आहे. लोकांना हे जाणून घेण्यात खूप कुतुहल असतं की पीएम मोदींकडे काय-काय आहे? त्यांचे घर कुठे आहे, त्यांच्याकडे किती संपत्ती आहे, त्यांनी कुठे गुंतवणूक केली आहे का? तर नुकतंच पंतप्रधान कार्यालयाने (PMO Office) याबाबत संपूर्ण माहिती दिली आहे.

देशाचे पंतप्रधान नरेंद्र मोदी (PM Narendra Modi) २.२३ कोटी रुपयांच्या एकूण संपत्तीचे मालक आहेत. पीएमओ कार्यालयाने (PMO Office) ही माहिती दिली आहे. त्यानुसार, मोदींनी दिलेल्या संपत्तीत वर्षभरात २६ लाख रुपयांची वाढ झाली आहे.

हेही वाचा -PM Modi’s Birthday: पंतप्रधानांच्या वाढदिवसानिमित्त तयार केली जातेय ‘५६ इंच थाळी’; विजेत्याला मिळणार खास

गांधीनगर जमीन दान केली

पीएमओच्या म्हणण्यानुसार, पंतप्रधानांच्या बँक खात्यामध्ये (Bank Accounts) २.२३ कोटी रुपये जमा आहेत. पीएम मोदींच्या संपत्तीशी संबंधित ताज्या माहितीनुसार त्यांच्याकडे कोणतीही अचल संपत्ती (Immovable Assets) नसल्याचे समोर आले आहे. त्यांनी गांधीनगरमधील त्यांच्या वाट्याची जमीन दान केली होती.

२००२ मध्ये निवासी जमीन खरेदी केली

पंतप्रधान नरेंद्र मोदी गुजरातचे मुख्यमंत्री असताना त्यांनी ऑक्टोबर २००२ मध्ये निवासी जमीन खरेदी केली होती. यात तो तिसरा सहभागी होता. ताज्या माहितीनुसार, रिअल इस्टेट सर्व्हे नंबर ४०१/ए वर त्यांच्याकडे मालकी हक्क नाही. कारण, त्यांनी त्यांच्या वाट्याची जमीन दान केली होती.

हेही वाचा -72 वर्षांचे नरेंद्र मोदी 24 तास काम करण्याइतके फिट कसे? या 5 गोष्टी त्यांच्या एनर्जीला धक्काही लागू देत नाहीत..

वर्षभरात २६ लाखांनी संपत्ती वाढली

जर आपण पंतप्रधान कार्यालयाच्या (PMO) वेबसाइटवर दिलेल्या माहितीवर नजर टाकली तर, ३१ मार्च २०२२ पर्यंत पंतप्रधान मोदींची एकूण संपत्ती २,२३,८२,५०४ आहे. गेल्या वर्षीच्या तुलनेत त्यांच्या मालमत्तेत एकूण २६.१३ लाख रुपयांची वाढ झाली आहे.

बाँड्स किंवा शेअर्समध्ये गुंतवणूक नाही

पीटीआयने दिलेल्या माहितीनुसार, पंतप्रधान नरेंद्र मोदी यांनी कोणत्याही बाँड (Bond), स्टॉक (Stocks) किंवा म्युच्युअल फंडात (Mutual Funds) गुंतवणूक केलेली नाही. त्याचे स्वतःचे वाहन आहे. मात्र, त्याच्याकडे १.७३ लाख रुपयांच्या चार सोन्याच्या अंगठ्या (Gold Rings) नक्कीच आहेत. ३१ मार्च २०२२ पर्यंत घोषित केलेल्या मालमत्तेचे तपशील पीएमओच्या वेबसाइटवर शेअर केले आहेत.

हेही वाचा -आठ वर्षांपासून देशाची जबाबदारी; मोदींना किती मिळते सॅलरी? सुविधाही लय भारी

मोदींकडे फक्त ३५,२५० रुपये रोख

३१ मार्च २०२२ पर्यंत पंतप्रधान मोदींकडे एकूण रोख फक्त ३५,२५० रुपये आहे. याशिवाय, पोस्ट ऑफिसमध्ये ९,०५,१०५ रुपयांची नॅशनल सेव्हिंग्स सर्टिफेकेट्स (NSC) आहेत. तर, त्यांच्याकडे १,८९,३०५ रुपयांची जीवन विमा पॉलिसी (Life Insurance Policy) आहे.

अदानींची संपत्ती एवढी वाढलीय की ते जगातला सर्वात श्रीमंत व्यक्ती एलन मस्कलाही खेटलेत

Related posts