t20 world cup 2022, फक्त १०-१२ बॉल्स खेळविण्यासाठी या खेळाडूला संघात घेऊ नका, गौतम गंभीर स्पष्टच बोलला – t20 world cup 2022 gautam gambhir questioned on team india playing 11 selection of two wicket keeper



( प्रगत भारत । pragatbharat.com)

नवी दिल्ली: जेव्हापासून बीसीसीआयने पुढील महिन्यात होणाऱ्या टी-२० विश्वचषकासाठी भारतीय संघाची घोषणा केली आहे, तेव्हापासून या संघाबाबत अनेक चर्चा सुरु आहेत. या संघात दिनेश कार्तिक आणि ऋषभ पंत या दोन यष्टीरक्षकांना स्थान देण्यात आलं आहे. पंत बराच काळ संघाचा महत्त्वाचा भाग असतानाही कार्तिकने आपल्या कामगिरीने निवडकर्त्यांना संघात स्वत:ची निवड करण्यास भाग पाडले. पण, अलीकडच्या काळात या दोघांपैकी एकाची निवड करताना भारतीय व्यवस्थापन संभ्रमात पडले आहे. मात्र, गौतम गंभीरने यासंदर्भात उघडपणे आणि थेट उत्तर दिले आहे.

भारत आणि ऑस्ट्रेलिया यांच्यात सुरु होणाऱ्या मालिकेपूर्वी स्टार-स्पोर्ट्स या ब्रॉडकास्टरने आयोजित केलेल्या पत्रकार परिषदेत हे दोघे भारतीय इलेव्हनमध्ये एकत्र खेळणे शक्य नाही. तुम्ही हे करू शकत नाही, असे माजी सलामीवीर गौतम गंभीर म्हणाला. तसे केल्यास सहावा गोलंदाज खेळू शकणार नाही. विश्वचषकाच्या सामन्यात तुम्ही पाच गोलंदाजांसोबत खेळू शकत नाही. तुम्हाला बॅकअप गोलंदाज हवा असेल, असं गंभीरने थेट सांगितलं.

हेही वाचा -गेल्या मार्चपासून टीममधून बाहेर, रोहित शर्मा आणि के एल राहुलच्या तोडीस तोड खेळाडूला संधी नाहीच

गौतम म्हणाला की, जोपर्यंत तुम्ही सूर्यकुमारला ड्रॉप करत नाही किंवा केएल राहुलची खेळी खराब करत नाही किंवा ऋषभ पंतने डावाची सुरुवात करत नाही, तोपर्यंत तुम्ही दोघांना एकत्र खेळवू शकत नाही. हे पर्याय वगळता मला वाटत नाही की पंत आणि कार्तिक दोघेही एकत्र खेळू शकतील. कार्तिकने क्रमवारीत फलंदाजी करण्यात रस दाखवला नसल्याने पंत हा आपला पहिला आवडता यष्टीरक्षक असेल, असे गंभीरने स्पष्टपणे सांगितले. त्याचवेळी, पंतने या वर्षात अनेक वेळा टी-२० मध्ये डावाची सुरुवात केली आहे, त्यामुळे तो पाच आणि सहाव्या क्रमांकावर फलंदाजी करतो.

गौतम म्हणाला की, पंतला सलामीला पाठवावं. हे मी आधीही सांगितले आहे की, तुम्ही फक्त १०-१२ चेंडू खेळण्यासाठी टी-२० मध्ये एखाद्या खेळाडूला घेऊ शकत नाही. याची काहीही शाश्वती नाही की तो तुम्हाला सामना जिंकवेल. दुर्दैवाने कार्तिकने पहिल्या पाच फलंदाजांमध्ये फलंदाजी करण्यात रस दाखवलेला नाही. तुमचा यष्टीरक्षक असा असावा जो पहिल्या पाचमध्ये फलंदाजी करू शकेल आणि पंतकडे ती क्षमता आहे, असंही गंभीर म्हणाला.

हेही वाचा -Ind vs Aus T20 Series : भारताला झटका, शमी संघाबाहेर, या बॉलरला ४३ महिन्यांनी संघात स्थान

पंतचा माझ्या फलंदाजी क्रमात नक्कीच समावेश आहे. तुम्हाला मधल्या फळीत लेफ्टी फलंदाजाची गरज आहे, यावर माझा विश्वास नाही. विशेषतः भारतासारख्या संघात निवडीचा आधार सामना जिंकण्याची क्षमता असावी आणि पंतकडे ती आहे. अशा परिस्थितीत पंत पाचव्या क्रमांकावर, हार्दिक सहाव्या क्रमांकावर आणि अक्षर सातव्या क्रमांकावर असावा. त्यानंतर अश्विनला खेळवायचे असेल तर तो आठव्या क्रमांकावर असला पाहिजे आणि त्यानंतर तीन वेगवान पेसर इलेव्हनचा भाग असावा.

हार्दिक आणि पंत

Related posts