protest against hijab, VIDEO: केस रंगवले, टाईट जीन्स घातल्यानं होतेय कारवाई; इराणमध्ये दररोज शेकडो महिलांना अटक – iran news many women are arresting for not following rules to wear hijab and wearing tight jeans gasht e ershad video



( प्रगत भारत । pragatbharat.com)

नवी दिल्ली: इराणमध्ये महिलांचा रोष शिगेला पोहोचलेला आहे. २१ व्या शतकात जिथे महिला नवा इतिहास रचत आहेत, तिथे इराणमध्ये काय परिधान करायचे हे देखील सरकार ठरवत आहे. यामुळे २२ वर्षीय महसा अमिनीला आपला जीव गमवावा लागला. तिचा दोष इतकाच होता की तिने धर्मांधांच्या मते कपडे घातले नाहीत. हिजाब नीट न घातल्याने मेहसाला अटक करण्यात आली होती. तिचा छळ करण्यात आला आणि त्यात तिला जीव गमवावा लागला. हा अत्याचार सहन करणारी मेहसा ही पहिली किंवा शेवटची महिला नाही. इराणच्या रस्त्यावर दररोज शेकडो महिला या हुकूमशाहीचा सामना करत आहेत.

गस्त-ए-इरशद (Moral Police) महिलांना व्हॅनमध्ये भरुन पोलीस ठाण्यात घेऊन जातात. त्यांचा अपमान केला जातो. त्यांच्यावर अत्याचारही केले जात आहेत. सूत्रांकडून मिळालेल्या माहितीनुसार, मार्च २०१३ ते मार्च २०१४ या कालावधीत २,०७,०० महिलांनी ड्रेस कोडचे उल्लंघन केल्याप्रकरणी अटक करण्यात आली होती. इतकेच नाही तर या एका वर्षात २० लाखांहून अधिक महिलांना योग्य प्रकारे हिजाब न घातल्याबद्दल आरोपी ठरवले गेले.

यामध्ये कुणाच्या केसांचा रंग पोलिसांना आवडला नाही, तर कुणाचा मेकअप जास्त वाटला. कुणाची जीन्स खूप टाईट दिसली, तर कुणाच्या बुरख्याची बटणं उघडी दिसली. आता महिलांनी या अत्याचाराविरोधात आवाज उठवला आहे. या युद्धात स्मार्टफोन हे त्यांचे शस्त्र बनत आहे. गस्त-ए-इरशदच्या छळाची रेकॉर्डिंग करुन ते व्हिडिओ माय स्टेल्थी फ्रीडम या फेसबुक पेजवर शेअर केल्या जात आहेत.

हेही वाचा -हिजाब न घातल्याप्रकरणी अटक करण्यात आलेल्या महिलेचा मृत्यू, संतापलेल्या महिलांची हिजाब काढून निदर्शने

दररोज शेकडो महिलांना अटक

इराणमध्ये दररोज शेकडो महिलांना शरिया कायद्यानुसार कपडे न घालण्यासाठी अटक केली जात आहे.

फार उकडत असल्याने कोटचं बटण उघडलं

भुयारी मार्गात एका महिलेने फार उकडत असल्याने तिच्या कोटचं एक बटण उघडलं होतं. त्यासाठी पोलिसांनी तिला अटक केली. ऑफिसला जायला उशीर होत असल्याचं महिला सांगत होती, ती विनवणी करत राहिली, मात्र पोलिसांनी तिचं काहीही ऐकलं नाही.

हिजाब नीट न घातल्याने अटक

हिजाब नीट न घातल्याने एका विद्यार्थिनीला पोलिस व्हॅनमध्ये टाकण्यात आले. परीक्षा आहे, असे ती सांगत राहिली, पण पोलिसांनी ऐकलं नाही.

हेही वाचा -अरे देवा! ४३ वर्षात ५३ लग्न केली, कारण ऐकून हैराण व्हाल…

१९ वर्षाच्या मुलीने टाईट जीन्स घातली

पूर्व तेहरानमध्ये एक १९ वर्षीय तरुणी तिच्या मित्रासोबत फिरत होती. अचानक गस्त-ए-इरशदची व्हॅन आली आणि तिला अटक केली. ‘मी माझ्या मित्रासोबत जात होते. तेवढ्यात व्हॅन येऊन थांबली. ३ सशस्त्र पुरुष अधिकारी, ३ महिला अधिकारी आणि एक जवान त्यातून उतरले. मी जे घातले होते ते त्यांना आवडले नाही. खोटं बोलून त्यांनी मला पोलीस ठाण्यात नेलं. नंतर म्हणाले तू टाईट जीन्स घातली आहेस’, असं त्या तरुणीने सांगितलं. तीन तास पोलीस ठाण्यात बसवून तिला अपमानित करण्यात आलं.

आई विनवणी करत राहिली

एक आई आपल्या आजारी मुलीला पोलिसांपासून वाचवण्यासाठी व्हॅनसमोर उभी राहिली, पण तरीही निर्दयी पोलिसांनी वाहन थांबवले नाही. आई म्हणत राहिली, ‘माझी मुलगी आजारी आहे, तिला सोडा.’

पोलिस स्टेशनमध्येच महिला कर्मचाऱ्यांसोबत पोलिसांचा झिंगाटवर धिंगाणा

Related posts