mayor deputy mayor conference, महापौर उपमहापौरांची उद्या शाळा, मोदी-नड्डा-फडणवीस क्लास घेणार – bjp mayor deputy mayor conference in gandhinagar gujrat



( प्रगत भारत । pragatbharat.com)

मुंबई : भाजपच्या देशभरातील महापौर उपमहापौरांची उद्या गुजरातमध्ये परिषद आयोजित करण्यात आली आहे. महापौर उपमहापौर यांना मार्गदर्शन करण्यासाठी आणि आगामी काळातील महापालिका निवडणुकांच्या रणनीतीविषयी उद्याच्या बैठकीत चर्चा होईल. गांधीनगरमध्ये दोन दिवसांची ही परिषद असणार आहे. या परिषदेला पंतप्रधान नरेंद्र मोदी, भाजपाध्यक्ष जे पी नड्डा तसेच महाराष्ट्राचे उपमुख्यमंत्री देवेंद्र फडणवीस मार्गदर्शन करणार आहेत.

पंतप्रधान नरेंद्र मोदी व्हिडीओ कॉन्फरन्सिंगद्वारे परिषदेच्या कार्यक्रमांचा शुभारंभ करणार आहेत. भाजपचे राष्ट्रीय अध्यक्ष जेपी नड्डा, पेट्रोलियम आणि नैसर्गिक वायू मंत्री हरदीप सिंग पुरी या कार्यक्रमाला उपस्थित राहणार आहेत. महापालिकांचं सशक्तीकरण आणि शहरी क्षेत्रे विकसित करण्यासाठी महानगरपालिका/महापालिकेची भूमिका यासंदर्भाने उद्याच्या परिषदेत चर्चा होईल.

भाजपकडून जिथे जिथे भाजपची सत्ता आहे अशा सर्व महापौरांना प्रशिक्षण दिले जाणार आहे. देशभरातल्या १८ राज्यांतल्या १२१ महापौर-उपमहापौरांना परिषदेचं आमंत्रण दिलं गेलंय. पंतप्रधान मोदी, जे पी नड्डा, केंद्रातले मंत्री तसेच देवेंद्र फडणवीस हे सगळे महापौर-उपमाहपौरांना मार्गदर्शन करणार असल्याने या परिषदेला महत्त्व प्राप्त झालंय.

महापौर उपमहापौरांच्या परिषदेतील महत्त्वाचे मुद्दे

गुजरातमध्ये दोन दिवसांची राष्ट्रीय महापौर परिषद, पंतप्रधान नरेंद्र मोदी ऑनलाईन उपस्थिती
देशभरातील महापौर उपमहापौर यांना मार्गदर्शन करण्यासाठी देवेंद्र फडणवीसही उद्या गुजरातला जाणार
राष्ट्रीय अध्यक्ष जे. पी. नड्डा यांची उपस्थिती, देवेंद्र फडणवीस सुद्धा देणार महापौरांना धडे
भाजपच्या वतीने जिथे जिथे भाजपची सत्ता आहे अशा सर्व महापौरांना प्रशिक्षण दिले जाणार आहे
१८ राज्यातील १२५ च्या वर भाजपाचे महापौर-उपमहापौर सहभागी होणार

Related posts