Asia Cup 2023 To Be Held In Pakistan According To Hybrid Model Updates On IND vs PAK matches; आशिया चषक २०२३ चे सामने पाकिस्तानमध्ये होणार, भारताच्या सामन्यांबद्दल आले मोठे अपडेट

[ad_1]

( प्रगत भारत । pragatbharat.com)

नवी दिल्ली: आशिया चषक २०२३ च्या यजमानपदावरून भारत आणि पाकिस्तान (IND vs PAK) यांच्यात बराच तणाव सुरू आहे. आशिया कपचे यजमानपद पाकिस्तानकडे आहे. अलीकडे दोन्ही क्रिकेट मंडळांमध्ये सुरू असलेला हा वाद आता दूर होताना दिसत आहे. भारतीय क्रिकेट नियामक मंडळाचे (BCCI) सचिव जय शाह यांच्या नेतृत्वाखालील आशियाई क्रिकेट परिषदेने (ACC) पाकिस्तान क्रिकेट बोर्डाच्या (PCB) अनुपस्थितीत चार आशिया चषक सामने आयोजित करण्यासाठी ‘हायब्रिड मॉडेल’चा प्रस्ताव दिला आहे. भारत पाकिस्तानमध्ये तर उर्वरित सामने श्रीलंकेत होण्यास मंजूरी देणार असल्याची शक्यता आहे.ACC मंगळवारी या संदर्भात औपचारिक घोषणा करेल अशी अपेक्षा आहे आणि हायब्रीड मॉडेलला अधिकृत मान्यता मिळाल्याने पाकिस्तान क्रिकेट संघाचा ऑक्टोबर-नोव्हेंबरमध्ये भारतात होणाऱ्या एकदिवसीय विश्वचषकासाठी येण्याचा मार्ग मोकळा होईल.

पाकिस्तानला आता अहमदाबादमध्ये खेळायला हरकत नसावी. एसीसी बोर्डाच्या एका सदस्याने नाव न सांगण्याच्या अटीवर पीटीआयला सांगितले की, “बहुतेक देशांना हायब्रीड मॉडेल नको असल्याने ओमान क्रिकेट बोर्डाचे प्रमुख पंकज खिमजी, ACC कार्यकारी मंडळाचे सदस्य, यांना यावर तोडगा काढण्याचे काम देण्यात आले होते. यावर ते म्हणाले “पण आत्तापर्यंत, भारताच्या अनुपस्थितीत चार सामने – पाकिस्तान विरुद्ध नेपाळ, बांगलादेश विरुद्ध अफगाणिस्तान, अफगाणिस्तान विरुद्ध श्रीलंका आणि श्रीलंका विरुद्ध बांगलादेश – लाहोरच्या गद्दाफी स्टेडियमवर होणार आहेत, भारत आणि पाकिस्तान यांच्यातील दोन सामने आणि सुपर फोरचे उर्वरित सर्व सामने पल्लेकेले किंवा गाले येथे होतील, अशी माहिती त्यांनी दिली आहे.

आशिया चषक स्पर्धा सप्टेंबरमध्ये होण्याची शक्यता

अशी माहिती आहे की आंतरराष्ट्रीय क्रिकेट परिषदेचे (ICC) सीईओ ज्योफ अल्लार्डिस आणि अध्यक्ष ग्रेग बार्कले पीसीबीचे अध्यक्ष नजम सेठी यांची भेट घेण्यासाठी कराचीला गेले होते आणि आशिया चषकाचे चार सामने त्यांच्या देशात आयोजित करण्यात आल्यास विश्वचषकात जाण्यासाठी पाकिस्तान कोणतीही अट घालणार नाही कारण यजमानपदाचा अधिकार पाकिस्तानकडे आहे.

SPIDER-MAN ACROSS THE SPIDER-VERSE च्या ट्रेलर लॉन्चला पोहोचला शुभमन गिल #shumbhmangill

पाकिस्तानशिवाय स्पर्धा खेळण्याचा अर्थ असा होतो की ब्रॉडकास्टरने स्पर्धेसाठी वचनबद्ध रकमेपैकी केवळ निम्मी रक्कम भरावी कारण भारत आणि पाकिस्तान यांच्यात दोन सामने नियोजित नसतील आणि जर दोघे अंतिम फेरीत पोहोचले तर तिसरा सामना होणार नाही. हा उपाय सर्वात व्यावहारिक वाटतो कारण तो एकदिवसीय विश्वचषकासाठी पाकिस्तानला बिनशर्त भारतात जाण्याचा मार्ग मोकळा करेल. एकदिवसीय विश्वचषकाचे वेळापत्रक पुढील आठवड्याच्या सुरुवातीला जाहीर होण्याची शक्यता आहे.

अहमदाबाद येथे होणाऱ्या वर्ल्ड कपमध्ये भारताचा सामना पाकिस्तानशी होऊ शकतो. पण पाकिस्तानचे उर्वरित सामने चेन्नई आणि हैदराबादमध्ये होऊ शकतात.

[ad_2]