[ad_1]
( प्रगत भारत । pragatbharat.com)
How to become rich by investing in SIP : पैसा ही आजच्या काळातील सर्वात अत्यावश्यक गोष्ट बनली आहे. त्यामुळे प्रत्येकालाच पैसा कमवायचा आहे, पण हे स्वप्न काहीजणांनाच सत्यात उतरवता येतं. श्रीमंत होणे हे अशक्य काम नाही. यासाठी तुम्हाला हुशारीने गुंतवणूक करावी लागेल. ज्या दिवशी तुमचा पैसा तुमच्यासाठी कमावायला लागतो, त्या दिवसापासून श्रीमंत होण्याचा मार्ग सोपा होतो. अशीच एक पद्धत आहे ज्यामध्ये थोडी थोडी गुंतवणूक करून कमी वेळात कोट्यधीश बनता येतं.
SIP मध्ये गुंतवणूक म्हणजे काय?
शहाणपणाने गुंतवणूक करून कोणीही श्रीमंत होऊ शकतो. संपत्ती निर्माण करण्यासाठी शिस्त आणि संयमाने योग्य ठिकाणी गुंतवणूक करणे आवश्यक आहे. आजच्या काळात लोकांच्या बदलत्या गरजा लक्षात घेऊन, बाजारात अनेक गुंतवणुकीचे उपाय उपलब्ध आहेत आणि त्यापैकी एक SIP आहे. SIP म्हणजे सिस्टिमॅटिक इन्वेस्टमेंट प्लान. त्याच्या नावावरूनच स्पष्ट होते की पद्धतशीर गुंतवणूक करण्याची योजना.
AMC कंपन्या पर्याय देतात
SIP च्या माध्यमातून शेअर्समध्ये गुंतवणूक करता येते. तुम्ही कर्ज किंवा सोन्यासारख्या कमोडिटीमध्ये SIP देखील करू शकता. विविध मालमत्ता व्यवस्थापन कंपन्या विविध प्रकारचे SIP पर्याय प्रदान करत आहेत. तुम्ही तुमचा आवडता पर्याय निवडू शकता आणि तुमची रिस्क घेण्याची क्षमता आणि परताव्याचा अंदाज याची आखणी करून SIP सुरू करू शकता.
17-18 वर्षात करोडपती होता येतं
एसआयपीवरील परतावा अनेक घटकांवर अवलंबून असतो. यामध्ये तुम्हाला आश्चर्यकारक परतावाही मिळू शकतो किंवा तुमच्या गुंतवणुकीवर तुम्हाला नाममात्र परतावाही मिळू शकतो. याचं गणित समजावून घेण्यासाठी आपण 15 टक्क्याने परतावा गृहीत धरू. एसआयपी कॅल्क्युलेटरनुसार, जर तुम्ही 10,000 रुपयांची मासिक एसआयपी गुंतवणूक 15 टक्के रिटर्नवर गुंतवली तर तुम्हाला खालील पद्धतीने रक्कम मिळेल.
- 10 वर्षांत 27.86 लाख रुपये
- 15 वर्षांत 67.68 लाख रुपये
- 20 वर्षांत 1.52 कोटी रुपये.
त्यामुळे दर महिन्याला 10-10 हजार रुपये गुंतवून तुम्ही 17-18 वर्षांत करोडपती होऊ शकता.
20 हजार रुपये मासिक गुंतवणुकीवर परतावा
जर तुम्ही रक्कम दुप्पट केली आणि सरासरी व्याज 15 टक्के ठेवले तर तुम्ही फक्त 13-14 वर्षात करोडपती होऊ शकता. दरमहा 20-20 हजार रुपये गुंतवल्यास
- 10 वर्षांत 55.73 लाख रुपये
- 15 वर्षांत 1.36 कोटी रुपये
- 20 वर्षांत 3.03 कोटी रुपये मिळू शकतात.
यानंतर जर ही मुदत आणखी पाच वर्षांनी म्हणजे 25 वर्षे वाढवली तर एकूण रक्कम 6.5 कोटी रुपये होईल.
चक्रवाढ शक्तीचा परिणाम
SIP मधून या आश्चर्यकारक परताव्याचे रहस्य चक्रवाढीमध्ये आहे. चक्रवाढ म्हणजे चक्रवाढ व्याज. SIP द्वारे गुंतवणूक केल्याने तुमचे मुद्दल वाढतच जाते आणि परतावा त्यात जोडला जातो.
Disclaimer: येथे दिलेली माहिती केवळ माहितीसाठी दिली जात आहे. येथे हे नमूद करणे महत्त्वाचे आहे की SIP मधील गुंतवणूक ही बाजारातील जोखमीच्या अधीन आहे. गुंतवणूकदार म्हणून, पैसे गुंतवण्यापूर्वी नेहमी तज्ञाचा सल्ला घ्या. ABP माझा कधीही कोणालाही पैसे गुंतवण्याचा सल्ला देत नाही.
[ad_2]
