चेन्नई (pragatbharat.com) : आयपीएल २०२६ चा थरार आता अंतिम टप्प्यात पोहोचला असून, प्लेऑफच्या शर्यतीत टिकून राहण्यासाठी प्रत्येक सामना महत्त्वाचा ठरत आहे. आजच्या महत्त्वपूर्ण सामन्यात चेन्नई सुपर किंग्सचा कर्णधार ऋतुराज गायकवाडने नाणेफेक जिंकून प्रथम गोलंदाजी करण्याचा निर्णय घेतला आहे. खेळपट्टीवर असलेले आच्छादन आणि पावसाळी वातावरण लक्षात घेता हा निर्णय घेतल्याचे गायकवाडने स्पष्ट केले.
चेन्नईसाठी ‘करा किंवा मरा’ स्थिती: चेन्नई सुपर किंग्सने आतापर्यंत १० सामन्यांपैकी ५ विजय मिळवले असून ते सध्या गुणतालिकेत सहाव्या स्थानावर आहेत. टॉप ४ मध्ये जागा मिळवण्यासाठी त्यांना हा सामना मोठ्या फरकाने जिंकणे अनिवार्य आहे. दुसरीकडे, लखनौ सुपर जायंट्सचे आव्हान जवळपास संपुष्टात आले असून तांत्रिकदृष्ट्या टिकून राहण्यासाठी त्यांना या सामन्यात विजय मिळवणे गरजेचे आहे. लखनौचा कर्णधार ऋषभ पंतने सांगितले की, संघात दोन बदल करण्यात आले आहेत. दुखापतीतून सावरलेला जोश इंग्लिस संघात परतला असून, मयंकच्या जागी आवेशला संधी देण्यात आली आहे.
दोन्ही संघांची प्लेइंग ११: लखनौ सुपर जायंट्स: मिचेल मार्श, जोश इंग्लिस, निकोलस पूरन, ऋषभ पंत (कॅप्टन/कीपर), एडन मार्कराम, अक्षत रघुवंशी, हिम्मत सिंग, शाहबाज अहमद, मोहम्मद शमी, दिग्वेश सिंग राठी, प्रिन्स यादव. चेन्नई सुपर किंग्स: संजू सॅमसन, ऋतुराज गायकवाड (कॅप्टन), उर्विल पटेल, कार्तिक शर्मा, देवाल्ड ब्रेविस, शिवम दुबे, जेमी ओव्हरटन, अकेल होसेन, अंशुल कंबोज, नूर अहमद, मुकेश चौधरी.