नाशिक (pragatbharat.com) : केंद्र सरकारच्या भारत प्रतिभूती मुद्रण आणि मुद्रा निर्माण महामंडळाच्या (SPMCIL) अखत्यारीत असलेल्या नाशिक येथील चलार्थ पत्र मुद्रणालय (Currency Note Press – CNP) येथे विविध पदांसाठी मोठी भरती प्रक्रिया जाहीर करण्यात आली आहे. या भरतीद्वारे एकूण ५३४ रिक्त पदे भरली जाणार असून, सुशिक्षित तरुणांसाठी ही रोजगाराची एक सुवर्णसंधी आहे.
या भरतीमध्ये प्रामुख्याने ज्युनिअर टेक्निशियन (५१२ पदे), सुपरव्हायझर (१२ पदे), ज्युनिअर ऑफिस असिस्टंट (८ पदे) आणि ज्युनिअर ड्राफ्ट्समन (२ पदे) या पदांचा समावेश आहे. आयटीआय (ITI), पदविका (Diploma) आणि पदवीधारक उमेदवारांना या पदांसाठी अर्ज करता येणार आहे. निवड झालेल्या उमेदवारांना नाशिकमध्ये काम करण्याची संधी मिळणार असून, केंद्र सरकारचे आकर्षक वेतनमान आणि भत्ते लागू असतील.
ऑनलाईन अर्ज करण्याची प्रक्रिया सुरू झाली असून, अर्ज करण्याची अंतिम मुदत १९ मे २०२६ आहे. उमेदवारांची निवड ऑनलाईन लेखी परीक्षेच्या माध्यमातून केली जाईल. अर्जाचे शुल्क आणि पात्रता यांबाबत सविस्तर माहिती cnpnashik.spmcil.com या अधिकृत संकेतस्थळावर उपलब्ध आहे. तांत्रिक कौशल्य असलेल्या ग्रामीण आणि शहरी भागातील तरुणांनी या संधीचा लाभ घेण्याचे आवाहन प्रशासनाकडून करण्यात आले आहे.