पुणे/महाराष्ट्र (pragatbharat.com) : स्वतःला अध्यात्मिक गुरू म्हणवून घेत महिलांचे लैंगिक शोषण करणाऱ्या भोंदू अशोक खरात याच्या विरोधात प्रशासनाने अधिक आक्रमक पाऊल उचलले आहे. खरात याच्यावर आतापर्यंत तब्बल १९ गुन्हे दाखल झाले असून, आठव्या गुन्ह्याच्या सखोल तपासासाठी एसआयटी (SIT) आज त्याला पुन्हा न्यायालयात हजर करून त्याचा ताबा मागणार आहे. या खळबळजनक प्रकरणाची सुनावणी आज पार पडणार असून सर्वांचे लक्ष न्यायालयाच्या निर्णयाकडे लागले आहे.
४२ दिवसांची पोलीस कोठडी आणि गंभीर आरोप: अशोक खरात याच्यावर लैंगिक शोषणाचे ७ गंभीर गुन्हे दाखल असून, या प्रकरणांच्या तपासासाठी त्याला आतापर्यंत एकूण ४२ दिवस पोलीस कोठडी भोगावी लागली आहे. श्रद्धेचा गैरफायदा घेऊन महिलांची फसवणूक आणि शोषण केल्याचा आरोप त्याच्यावर आहे. एसआयटीने आतापर्यंत केलेल्या तपासात अनेक धक्कादायक माहिती समोर आली असून, इतर गुन्ह्यांचे धागेदोरे शोधण्यासाठी त्याचा ताबा मिळणे आवश्यक असल्याचे पोलिसांनी म्हटले आहे.
कायद्याचा कडा आवळला: राज्यात महिलांच्या सुरक्षिततेचा प्रश्न ऐरणीवर असताना, अशा भोंदूगिरी करणाऱ्यांविरुद्ध कठोर कारवाईची मागणी होत आहे. अशोक खरात याच्या कृत्यांमुळे पीडित महिलांमध्ये भीतीचे वातावरण होते, मात्र पोलिसांनी एसआयटीच्या माध्यमातून तपासाला गती दिली आहे. आजच्या सुनावणीत न्यायालय त्याला पुन्हा पोलीस कोठडी सुनावणार की त्याची रवानगी न्यायालयीन कोठडीत होणार, हे स्पष्ट होईल.