[ad_1]
( प्रगत भारत । pragatbharat.com)
हा दगड एक मौल्यवान उल्का होती
मिशिगन युनिव्हर्सिटीच्या मोना सिर्बेस्कू यांनी सांगितलं की, मी निश्चितपणे हे सांगू शकते की हा दगड अमूल्य आहे. डेव्हिड जार्क नावाच्या व्यक्तीने मोनाला विचारले होते की, ती त्या या दगडाचा अभ्यास करू शकतील का? त्यांना संशय होता की, तो दगड उल्का तर नाही ना. तसेच, काही ठराविक काळाच्या अंतराने तो दगड तपासण्याची विनंती येत होती, असे मोना सांगते.
तो दगड उल्का नाही, सुमारे १८ वर्षे हेच उत्तर मिळालं. आता त्या दगडाचा सखोल अभ्यास केल्यावर कळले की तो दगड केवळ उल्काच नाही तर अत्यंत मौल्यवान उल्का आहे. त्या दगडाला एडमोर असे नाव देण्यात आले आहे. ज्यामध्ये लोहाचे विशेषतः निकेलचे प्रमाण खूप जास्त आहे. त्या उल्केमध्ये १२ टक्के निकेल आहे. आता हा दगड माझुरेकच्या ताब्यात कसा आला याचीही कहाणीही अतिशय रंजक आहे.
![Edmore Meteorite Edmore Meteorite](https://static.langimg.com/thumb/102874690/maharashtra-times-102874690.jpg?width=680&resizemode=3)
सिर्बेस्कूच्या म्हणण्यानुसार, जेव्हा माझुरेकने १९८८ मध्ये मिशिगनमध्ये एडमोर शेत विकत घेतले. तेव्हा पूर्वीच्या मालकाने त्याला मालमत्ता चारही बाजुंनी दाखवली. तेव्हा त्याच्या लक्षात आले की शेडचा दरवाजा उघडा राहावा यासाठी एक मोठा, विचित्र दिसणारा खडक वापरला जात होता. जेव्हा माझुरेकने त्या खडकाबाबत जुन्या मालकाला विचारले तेव्हा त्याने सांगितले की ती एक उल्का आहे.
१९३० मध्ये ही उल्का कोसळली होती
त्या व्यक्तीने पुढे सांगितले की १९३० च्या दशकात त्याने आणि त्याच्या वडिलांनी रात्री त्यांच्या मालमत्तेवर एक उल्का पडल्याचे पाहिले होते आणि जेव्हा ती आदळला तेव्हा मोठा आवाज झाला होता. तेव्हापासून ती उल्का त्यांच्याकडेच होती. त्याचा वापर ते दार उघडं राहण्यासाठी डोअरस्टॉपर म्हणून करत होते.
[ad_2]