मुंबई/पुणे (pragatbharat.com) : तांत्रिक क्षेत्रात शिक्षण घेतलेल्या आणि रेल्वेमध्ये नोकरी करण्याचे स्वप्न पाहणाऱ्या महाराष्ट्रातील लाखो उमेदवारांसाठी ‘रेल्वे रिक्रूटमेंट बोर्ड’ (RRB) ने एक मोठी खूशखबर दिली आहे. भारतीय रेल्वेच्या विविध विभागांतर्गत ‘असिस्टंट लोको पायलट’ (ALP) आणि ‘टेक्निशियन’ (Technician Grade-III) च्या एकूण १५,००० हून अधिक रिक्त पदांसाठी देशव्यापी मेगा भरती प्रक्रिया सुरू करण्यात आली आहे. रेल्वेच्या मुंबई, पुणे, नागपूर आणि भुसावळ विभागांमध्ये या भरती अंतर्गत शेकडो जागा रिक्त असल्याने महाराष्ट्रातील तरुणांसाठी ही एक सुवर्णसंधी मानली जात आहे.
शैक्षणिक पात्रता आणि वयोमर्यादा
- शैक्षणिक पात्रता: उमेदवाराने मान्यताप्राप्त संस्थेतून १० वी उत्तीर्ण असणे आवश्यक आहे, त्यासोबतच संबंधित ट्रेडमध्ये आयटीआय (ITI) उत्तीर्ण किंवा एनसीव्हीटी (NCVT) चे प्रमाणपत्र असणे गरजेचे आहे. असिस्टंट लोको पायलट (ALP) पदासाठी मेकॅनिकल, इलेक्ट्रिकल किंवा इलेक्ट्रॉनिक्स इंजिनिअरिंगमधील डिप्लोमा (Diploma) किंवा डिग्री (B.E./B.Tech) धारक उमेदवार देखील पात्र आहेत.
- वयोमर्यादा: टेक्निशियन पदासाठी १८ ते ३३ वर्षे आणि एएलपी पदासाठी १८ से ३० वर्षे निश्चित करण्यात आली आहे. नियमानुसार मागासवर्गीय उमेदवारांना वयोमर्यादेत सवलत लागू राहील.
परीक्षा पद्धत आणि निवड प्रक्रिया रेल्वे बोर्डाच्या वतीने ही संपूर्ण निवड प्रक्रिया अत्यंत पारदर्शक पद्धतीने राबवली जाणार आहे. उमेदवारांची निवड प्रामुख्याने संगणकावर आधारित चाचणी (Computer Based Test – CBT 1 आणि CBT 2), शारीरिक कार्यक्षमता चाचणी (केवळ काही पदांसाठी), वैद्यकीय चाचणी (Medical Test) आणि मूळ कागदपत्रांच्या पडताळणीनंतर अंतिम गुणवत्ता यादीच्या आधारे केली जाईल. महाराष्ट्रातील उमेदवारांसाठी ही परीक्षा मुंबई, पुणे, नाशिक, नागपूर आणि छत्रपती संभाजीनगर येथील परीक्षा केंद्रांवर मराठी भाषेतून देण्याची सोय उपलब्ध करून देण्यात आली आहे. इच्छुक उमेदवारांनी रेल्वे रिक्रूटमेंट बोर्डाच्या (RRB Mumbai) अधिकृत संकेतस्थळावर जाऊन ऑनलाईन पद्धतीने आपले अर्ज मुदतीपूर्वी सादर करावेत.
