मुंबई/पुणे (pragatbharat.com) : महाराष्ट्रातील सरकारी नोकरीच्या शोधात असलेल्या आयटीआय (ITI) उत्तीर्ण तरुणांसाठी एक अतिशय आनंदाची आणि मोठी बातमी आहे. महाराष्ट्र राज्य विद्युत वितरण कंपनी लिमिटेड (महावितरण) अंतर्गत ‘उपकेंद्र सहाय्यक’ (Substation Assistant) आणि ‘विद्युत सहाय्यक’ (Vidyut Sahayak) या पदांसाठी तब्बल ५,३4७ जागांची भव्य मेगा भरती जाहीर करण्यात आली आहे. या भरती प्रक्रियेमुळे राज्यातील हजारो बेरोजगार तरुणांना थेट शासकीय सेवेत रुजू होण्याची सुवर्णसंधी मिळणार आहे.
महावितरणने राज्यातील वीज पुरवठा यंत्रणा अधिक सक्षम करण्यासाठी आणि उपकेंद्रांमधील रिक्त पदे भरण्यासाठी हा मोठा निर्णय घेतला आहे. या भरती संदर्भातील सविस्तर तपशील खालीलप्रमाणे आहे:
शैक्षणिक पात्रता आणि वयोमर्यादा:
- पात्रता: मान्यताप्राप्त संस्थेतून ITI (इलेक्ट्रिशियन / वायरमन) कोर्स पूर्ण केलेले किंवा राष्ट्रीय शिकाऊ उमेदवारी (NCTVT) प्रमाणपत्र धारक उमेदवार या पदांसाठी अर्ज करू शकतात.
- वयोमर्यादा: अर्ज करणाऱ्या उमेदवारांचे वय १८ ते ३८ वर्षांच्या दरम्यान असावे. शासकीय नियमांनुसार मागासवर्गीय उमेदवारांना वयोमर्यादेत ५ वर्षांची सूट देण्यात आली आहे.
निवड प्रक्रिया आणि वेतनमान: या पदांसाठी उमेदवारांची निवड ही ऑनलाइन वस्तुनिष्ठ परीक्षेच्या (Online MCQ Test) गुणांच्या आधारे आणि कागदपत्र पडताळणीनुसार केली जाईल. निवड झालेल्या उमेदवारांना सुरुवातीला कंत्राटी पद्धतीने मानधनावर नियुक्त केले जाईल. पहिल्या वर्षी नियमानुसार निश्चित भत्ता मिळेल, तर ३ वर्षांचा कंत्राटी कार्यकाळ यशस्वीरीत्या पूर्ण केल्यानंतर उमेदवारांना महावितरणच्या नियमित वेतनश्रेणीत कायमस्वरूपी (Permanent) सामावून घेतले जाईल.
असा करा ऑनलाईन अर्ज: इच्छुक आणि पात्र उमेदवारांनी महावितरणच्या अधिकृत संकेतस्थळावर जाऊन ‘Career’ या पर्यायावर क्लिक करून ऑनलाईन पद्धतीने अर्ज भरायचा आहे. अर्ज भरताना उमेदवारांनी आपले शैक्षणिक दस्तऐवज, जातीचे प्रमाणपत्र (लागू असल्यास) आणि वैध ओळखपत्र काळजीपूर्वक अपलोड करावे. अर्ज करण्याची अंतिम तारीख जवळ येत असल्याने उमेदवारांनी शेवटच्या क्षणाची वाट न पाहता तात्काळ आपले अर्ज सादर करावेत, असे आवाहन महावितरण प्रशासनाने केले आहे.
