मुंबई (pragatbharat.com) : स्वतःचे हक्काचे घर असावे, असे प्रत्येकाचेच स्वप्न असते. हे स्वप्न पूर्ण करण्यासाठी बहुतांश जण गृहकर्जाचा (Home Loan) पर्याय निवडतात. गृहकर्जाचा कालावधी सामान्यतः १५ ते ३० वर्षांचा मोठा असल्याने, व्याजदरातील अगदी ०.१० टक्क्यांचा छोटासा फरकही तुमच्या खिशावर लाखो रुपयांचा आर्थिक परिणाम करू शकतो. त्यामुळे कर्ज घेण्यापूर्वी कोणत्या बँकेत सर्वात कमी व्याजदर सुरू आहे, हे जाणून घेणे अत्यंत आवश्यक आहे.
आर्थिक तज्ज्ञांच्या मते, रिझर्व्ह बँकेचा (RBI) रेपो रेट, कर्जदाराचा क्रेडिट स्कोअर (CIBIL Score), नोकरीचे स्वरूप आणि कर्ज परतफेडीची क्षमता यावर गृहकर्जाचा व्याजदर ठरवला जातो. ज्या ग्राहकांचा सिबिल स्कोअर ८०० पेक्षा जास्त असतो, त्यांना बँका सर्वात कमी व्याजदरावर कर्ज देतात.
सार्वजनिक क्षेत्रातील बँकांचे व्याजदर (Public Sector Banks) सरकारी बँकांमध्ये सध्या अत्यंत स्पर्धात्मक व्याजदर पाहायला मिळत आहेत:
- बँक ऑफ इंडिया: ७.१० ते १० टक्के (सरकारी बँकांमध्ये सर्वात कमी सुरुवात)
- युनियन बँक ऑफ इंडिया: ७.१५ ते ९.६० टक्के
- बँक ऑफ बडोदा: ७.२० ते ९ टक्के
- स्टेट बँक ऑफ इंडिया (SBI): ७.२५ ते ८.९५ टक्के
- पंजाब नॅशनल बँक (PNB): ७.२५ ते ९.२५ टक्के
- कॅनरा बँक: ७.२५ ते १० टक्के
खाजगी बँकांचे व्याजदर (Private Sector Banks) खाजगी बँकांचा विचार केला असता, खालीलप्रमाणे व्याजदर आकारले जात आहेत:
- साऊथ इंडियन बँक: ७.२० टक्के (खाजगी बँकांमध्ये सर्वात स्वस्त)
- आयसीआयसीआय बँक (ICICI): ७.५० टक्के
- कोटक महिंद्रा बँक: ७.६० टक्के
- ॲक्सिस बँक: ८ ते ११.९० टक्के
- वैश्य बँक: ८.५० ते १०.६५ टक्के (खाजगी बँकांमध्ये सर्वाधिक व्याजदर)
हाऊसिंग फायनान्स कंपन्यांचे व्याजदर (HFCs) बँकांशिवाय गृहनिर्माण वित्त कंपन्यांकडूनही (NBFC) आकर्षक दरात कर्ज मिळते:
- एलआयसी हाऊसिंग फायनान्स (LIC HFL): ७.१५ टक्क्यांपासून सुरुवात (या क्षेत्रात सर्वात कमी)
- बजाज हाऊसिंग फायनान्स: ७.२५ टक्के
- पीएनबी हाऊसिंग फायनान्स: ७.५० टक्के
- टाटा कॅपिटल: ८ टक्क्यांपासून सुरुवात
ग्राहकांनी गृहकर्ज घेण्यापूर्वी केवळ व्याजदर न पाहता प्रोसेसिंग फी, हिडन चार्जेस आणि बँकेच्या अटी व शर्तींची सविस्तर पडताळणी करूनच अंतिम निर्णय घ्यावा, असा सल्ला तज्ज्ञांनी दिला आहे.