बँक ऑफ बडोदामध्ये बंपर भरती सुरू! ६०० हून अधिक पदांसाठी अर्ज प्रक्रिया सुरू; पदवीधरांना मोठी संधी, जाणून घ्या पात्रता

मुंबई (pragatbharat.com) : बँकिंग क्षेत्रात करिअर करू इच्छिणाऱ्या तरुण-तरुणींसाठी एक उत्तम संधी चालून आली आहे. बँक ऑफ बडोदा (Bank of Baroda) या देशातील आघाडीच्या सार्वजनिक क्षेत्रातील बँकेने विविध विभागांमधील तब्बल ६२७ पदांसाठी भरती प्रक्रिया सुरू केली आहे. यासाठी पात्र आणि इच्छुक उमेदवारांकडून ऑनलाईन अर्ज मागवण्यात येत आहेत.

पदांचा तपशील आणि पात्रता: या भरती मोहिमेद्वारे मुख्यतः ‘रिलेशनशिप मॅनेजर’ (Relationship Manager), ‘क्रेडिट अनालिस्ट’ (Credit Analyst) आणि ‘फॉरेक्स प्रॉडक्ट स्पेशालिस्ट’ यांसह विविध तांत्रिक आणि प्रशासकीय पदे भरली जाणार आहेत. वेगवेगळ्या पदांनुसार शैक्षणिक पात्रता निश्चित करण्यात आली असून, मान्यताप्राप्त विद्यापीठाची पदवी (Graduation) किंवा एमबीए (MBA) पूर्ण केलेले उमेदवार या पदांसाठी पात्र ठरतील. तसेच काही पदांसाठी संबंधित क्षेत्रातील कामाचा अनुभव आवश्यक आहे.

अर्ज करण्याची पद्धत आणि अंतिम तारीख: या भरतीसाठी उमेदवारांची निवड ही अर्ज छाननी, ऑनलाइन परीक्षा आणि वैयक्तिक मुलाखतीच्या (Interview) आधारे केली जाणार आहे. इच्छुक उमेदवारांनी बँक ऑफ बडोदाच्या अधिकृत संकेतस्थळावर जाऊन ‘Careers’ या पर्यायावर क्लिक करून ऑनलाईन अर्ज सादर करायचा आहे. अर्ज करण्याची अंतिम तारीख २ जुलै २०२६ असून, शेवटच्या क्षणाची घाई टाळण्यासाठी उमेदवारांनी वेळेत अर्ज करण्याचे आवाहन बँकेकडून करण्यात आले आहे.