भोपाळ/मुंबई (pragatbharat.com) : मुंबईहून दिल्लीकडे जाणाऱ्या एअर इंडियाच्या विमानात तांत्रिक बिघाड निर्माण झाल्यामुळे आज सकाळी भोपाळ विमानतळावर विमानाचे Emergency Landing (आत्पकालीन लँडिंग) करण्यात आले. या विमानात एकूण १७५ प्रवासी आणि कर्मचारी होते. सुदैवाने, वैमानिकाच्या प्रसंगावधानामुळे मोठी दुर्घटना टळली असून सर्व प्रवासी पूर्णपणे सुरक्षित आहेत.
मिळालेल्या माहितीनुसार, एअर इंडियाच्या या विमानाने मुंबई विमानतळावरून उड्डाण केल्यानंतर काही वेळातच वैमानिकाला विमानातील इंजिनमध्ये किंवा तांत्रिक प्रणालीमध्ये दोष असल्याचे जाणवले. परिस्थितीचे गांभीर्य ओळखून वैमानिकाने जवळच्या भोपाळ एअर ट्रॅफिक कंट्रोल (ATC) कडे लँडिंगसाठी परवानगी मागितली. भोपाळ विमानतळावर तातडीने रुग्णवाहिका आणि अग्निशमन दलाच्या गाड्या तैनात करण्यात आल्या होत्या.
विमानाचे लँडिंग सुरक्षितपणे पार पडल्यानंतर प्रवाशांना सुखरूप बाहेर काढण्यात आले. एअर इंडियाने प्रवाशांच्या पुढील प्रवासासाठी दुसऱ्या विमानाची व्यवस्था केली असून तांत्रिक बिघाडाचे नेमके कारण शोधण्यासाठी DGCA (नागरी विमान वाहतूक महासंचालनालय) चौकशीचे आदेश देऊ शकते. प्रवाशांनी या संकटकाळात दाखवलेल्या संयमाबद्दल विमान कंपनीने त्यांचे आभार मानले आहेत.