दत्त जयंतीनिमित्त सकाळी ६ वाजता पहिली बस
पुणे : श्री क्षेत्र नारायणपूर येथे श्री दत्त जयंती निमित्त जाणार्या भाविकांच्या सोयीसाठी पुणे महानगर परिवहन महामंडळ (पीएमपीएमएल) च्या वतीने ३ ते ५ डिसेंबर २०२५ या तीन दिवसांदरम्यान विशेष यात्रेनिमित्त बससेवेचे नियोजन करण्यात आले आहे. स्वारगेट, सासवड आणि हडपसर येथून नियमित अंतराने बस उपलब्ध राहणार आहे, अशी माहिती पीएमपीएमएल प्रशासनाने दिली.
स्वारगेट बसस्थानकातून नारायणपूरकडे एकूण ८ बसेसची व्यवस्था करण्यात आली आहे. त्या अर्ध्या तासाच्या अंतराने सुटतील. तर सासवड बसस्थानकातून २० मिनिटांच्या अंतराने ५ बसेस धावतील. अशा प्रकारे एकूण १३ यात्रा स्पेशल बसेस तीन दिवस भाविकांची सेवेसाठी देण्यात आल्या आहेत. स्वारगेटहून जाणार्या बसेस स्वारगेट, मार्केटयार्ड, कोंढवा बु., खडीमशीन चौक, बोपदेव घाट, चांबळी, सासवड मार्गे नारायणपूर येथे पोहोचणार आहेत. pra all pa 25तर सासवड बसस्थानकाहून जाणार्या बस सासवड बसस्थानक, जेजुरी नाका, सासवड कोर्ट, सुपे खुर्द फाटा, भिवडी, किल्ले पुरंदर फाटा मार्गे नारायणपूरकडे रवाना होतील. स्वारगेट ते नारायणपूर पहिली बस सकाळी ६.०० वाजता सुटणार असून शेवटची बस सायंकाळी ६.३० वाजता असेल. नारायणपूर ते स्वारगेट परतीची पहिली फेरी सकाळी ८.०० वाजता तर शेवटची फेरी रात्री ८.३० वाजता सुटेल.
