मुंबई (pragatbharat.com) : बँकिंग क्षेत्रात करिअर करू इच्छिणाऱ्या देशभरातील आणि विशेषतः महाराष्ट्रातील सुशिक्षित तरुणांसाठी स्टेट बँक ऑफ इंडिया (SBI) कडून आनंदाची बातमी आली आहे. एसबीआयने २०२६-२७ या वर्षासाठी ‘अप्रेंटीस’ (Apprentice) पदांच्या तब्बल ७,१५० रिक्त जागांवर मोठ्या भरतीची अधिकृत अधिसूचना जारी केली आहे. यामध्ये महाराष्ट्रातील विविध शाखांसाठी मोठ्या संख्येने जागा राखीव ठेवण्यात आल्या आहेत.
शैक्षणिक पात्रता आणि वयोमर्यादा: या मेगा भरतीसाठी अर्ज करू इच्छिणाऱ्या उमेदवारांकडे मान्यताप्राप्त विद्यापीठाची कोणत्याही शाखेतील पदवी (Graduation) असणे अनिवार्य आहे. वयोमर्यादेचा विचार केला तर, उमेदवाराचे वय किमान २० वर्षे आणि कमाल २८ वर्षे दरम्यान असावे. शासकीय नियमांनुसार राखीव प्रवर्गातील उमेदवारांना (SC/ST/OBC/PWD) वयोमर्यादेत सवलत लागू असेल.
निवड प्रक्रिया आणि विद्यावेतन (Stipend): उमेदवारांची निवड ऑनलाईन लेखी परीक्षा (Objective Test) आणि स्थानिक भाषा चाचणी (Local Language Test) यांच्या आधारे केली जाईल. या भरती अंतर्गत निवड झालेल्या उमेदवारांना १ वर्षाच्या प्रशिक्षण कालावधीसाठी दरमहा आकर्षक विद्यावेतन (Stipend) दिले जाणार आहे. बँकिंग कामकाजाचा प्रत्यक्ष अनुभव मिळवण्यासाठी ही प्रशिक्षणार्थी पदभरती अत्यंत महत्त्वाची मानली जाते.
अर्ज प्रक्रिया आणि अंतिम तारीख: इच्छुक आणि पात्र उमेदवारांना स्टेट बँकेच्या अधिकृत संकेतस्थळावर जाऊन ऑनलाईन पद्धतीने अर्ज सादर करावा लागेल. ऑनलाईन अर्ज करण्याची प्रक्रिया सुरू झाली असून, सर्व आवश्यक कागदपत्रांसह नोंदणी करण्याचे आवाहन बँकेतर्फए करण्यात आले आहे.
