नवी दिल्ली/मुंबई (pragatbharat.com) : संसदेच्या विशेष अधिवेशनात ‘महिला आरक्षण घटनादुरुस्ती विधेयक’ मंजूर होऊ शकल्याने देशाच्या राजकारणात मोठी खळबळ उडाली आहे. हे विधेयक फेटाळले गेल्यानंतर अमरावतीच्या नेत्या नवनीत राणा यांना भर संसदेबाहेर रडू कोसळले. “पंतप्रधान मोदींनी महिलांना न्याय देण्याचा प्रयत्न केला, पण विरोधकांनी केवळ राजकारणासाठी हे विधेयक रोखले, मोदीजी आम्हाला माफ करा,” अशा शब्दांत त्यांनी आपली भावना व्यक्त केली.
या घडामोडीचे पडसाद महाराष्ट्रातही उमटले असून, महायुती आणि महाविकास आघाडीमध्ये यावरून आरोप-प्रत्यारोपांच्या फैरी झाडल्या जात आहेत. दुसरीकडे, मुख्यमंत्री एकनाथ शिंदे यांनी विधान परिषद निवडणुकीच्या पार्श्वभूमीवर मंत्रिमंडळात ‘भाकरी फिरवण्याचे’ संकेत दिले असून, खराब कामगिरी करणाऱ्या काही मंत्र्यांना डच्चू मिळण्याची शक्यता वर्तवली जात आहे. यामुळे राज्यातील राजकीय वातावरण सध्या चांगलेच तापले आहे.