[ad_1]
( प्रगत भारत । pragatbharat.com)
टीम इंडिया सामन्यात बॅकफुटला जाईल असे वाटत असताना ईशान किशन आणि हार्दिक पंड्या मैदानात उतरले. या जोडीने फक्त भारताचा डाव सावरला नाही तर त्यांनी संघाला २००च्यापुढे नेले. ईशानने ८१ चेंडूत २ षटकार आणि ९ चौकारांसह ८२ धावा केल्या. बाद होण्यापूर्वी त्याने हार्दिकसह १३८ धावांची भागिदारी केली. ईशानच्या या खेळीत एका विक्रमाची नोंद झाली.
ईशानने ५४ चेंडूत अर्धशतक पूर्ण केले आणि भारताचा माजी दिग्गज कर्णधार महेंद्र सिंह धोनीने केलेल्या एका अनोख्या विक्रमाशी त्याने बरोबरी केली. वनडे क्रिकेटमध्ये सलग ४ सामन्यात ५० हून अधिक धावा करणारा तो धोनीनंतरचा पहिला विकेटकीपर-फलंदाज ठरला आहे. अशी कामगिरी धोनीने २०११ साली केली होती. आता ईशानने या विक्रमाशी बरोबरी केली. पाकिस्तानविरुद्धच्या लढतीत केएल राहुलच्या जागी ईशान किशनला संधी मिळाली होती आणि त्याने या संधीचे सोने केले.
भारताचा कर्णधार रोहित शर्माने टॉस जिंकून प्रथम फलंदाजी करण्याचा निर्णय घेतला. पहिल्या १० ओव्हरमध्ये २ वेळा पावसाचा अडथळा आला आणि सामना काही मिनिटांसाठी थांबवावा लागला. या काळातच भारताचे ४ फलंदाज बाद झाले. रोहित फक्त ११ धावांवर बाद झाला. त्यानंतर विराट ४, अय्यर १४ तर गिल १० धावांवर बाद झाले. यामुळे भारताची अवस्था ४ बाद ६६ झाली. पाकिस्तान सामन्यावर पकड मिळवेल असे वाटत असताना ईशान आणि हार्दिक मैदानावर उभे राहिले. त्यांच्या शतकी भागिदारीमुळे भारताला चांगली धावसंख्या उभी करता आली.
[ad_2]
