[ad_1]
( प्रगत भारत । pragatbharat.com)
भारताने आशिया कप सुरू होण्याआधी अखेरची वनडे एक महिन्यापूर्वी खेळली होती. आयर्लंड दौऱ्यात सर्व प्रमुख खेळाडूंना विश्रांती देण्यात आली होती. त्यामुळे आशिया कपच्या आधी भारताला फिल्डिंग करण्याची संधीच मिळाली नाही. आता दुसऱ्या लढतीत जेव्हा खेळाडू मैदानात उतरले तेव्हा त्यांच्याकडून गंभीर चुका झाल्या.
पहिल्या ओव्हरमध्ये नेपाळचा सलामीवीर कुशल भुरटेल याचा सोपा कॅच सोडला. भारताकडून पहिली ओव्हर मोहम्मद शमीने टाकली होती. शमीच्या चेंडूवर श्रेयस अय्यरने अगदी सोपा कॅच सोडला. पहिल्या ओव्हरमधील ही चूक झाल्यानंतर पुन्हा दुसऱ्या ओव्हरच्या पहिल्या चेंडूवर नेपाळला आणखी एक जीवनदान मिळाले. मोहम्मद सिराजच्या चेंडूवर आसिफ शेखने शॉर्ट कव्हरच्या दिशेने चेंडू मारला, जो विराटच्या हातात गेला. पण विराटकडून देखील अय्यर सारखी चूक पुन्हा झाली. अगदी सोपा कॅच विराटकडून सुटला. विराटची ओळख एक चांगला फिल्डर होते. त्यामुळे त्याच्यकडून कॅच सुटल्याने सर्वांना धक्का बसला. स्वत: विराटच्या चेहऱ्यावर निराशा दिसत होती.
दोन कॅच सुटल्यानंतर भारतीय खेळाडू थोडे सीरिअर होतील असे वाटले होते. पण तसे झाले नाही. पाचव्या षटकात विकेटकीपर ईशान किशनने देखील कॅच सोडला. ओव्हरच्या दुसऱ्या चेंडूवर भरतेलच्या बॅटला लागून चेंडू लेग साइडला गेला, कॅचची संधी असताना चेंडू ईशानच्या हाताच्या मधून गेला आणि नेपाळला चौकार मिळाला. या प्रकारानंतर भारतीय खेळाडूंच्या चेहऱ्यावर निराशा स्पष्टपणे दिसत होती.
[ad_2]
