[ad_1]
( प्रगत भारत । pragatbharat.com)
अहमदाबाद: विकेटच्या मागे एमएस धोनीच्या नजरेतून सुटणे म्हणजे निव्वळ अशक्य आहे. सोमवारी नरेंद्र मोदी स्टेडियमवर खेळल्या जात असलेल्या IPL 2023 च्या अंतिम सामन्यात याचे दृश्य पाहायला मिळाले. चेन्नई सुपर किंग्जचा कर्णधार एमएस धोनीने गुजरात टायटन्सचा सर्वात महत्त्वाचा फलंदाज शतकवीर शुभमन गिलला अशाप्रकारे बाद केले की पुन्हा एकदा माहीची जादू मैदानात पाहायला मिळाली. माजी स्फोटक फलंदाज वीरेंद्र सेहवाग देखील त्याच्या या चपळाईने भारावला. सेहवागने एका मजेदार ट्विटमध्ये एमएस धोनीच्या स्टंपिंगचे कौतुक केले आहे.सेहवागने आयपीएलचा व्हिडिओ रिट्विट केला आणि म्हणाला- शाब्बास! बँकेच्या नोटा बदलतील पण एमएस धोनी विकेटच्या मागे बदलू शकत नाही! कधीच बदलू शकत नाही.. एमएस धोनी नेहमीप्रमाणे वेगवान. RBI ने नोटा बंद करण्याचा निर्णय घेतल्याने २ हजाराच्या नोटा बॅंकेत परत जमा होत असताना सेहवागचे ट्विट चर्चेचा विषय बनले आहे. आयपीएल फायनल, धोनीचे स्टंपिंग आणि सेहवागच्या ट्विटने पुन्हा एकदा क्रिकेटप्रेमींचे लक्ष वेधून घेतले आहे.
गिल पुढे जाऊन खेळत होता
गिलला ३ धावांवर दीपक चहरने झेल सोडून जीवदान दिले. यानंतर त्याने ७ चौकार मारून ३९ धावा ठोकल्या, मात्र सातव्या षटकात तो जडेजा आणि धोनीसमोर टिकू शकला नाही. गिलला बाद करण्याची जबाबदारी स्वत: एमएस धोनीने घेतली. सलामीच्या जोडीला फिरकीपटू रवींद्र जडेजासमोर खेळणे थोडे कठीण जात होते. शेवटच्या चेंडूवर गिलला पुढे जाऊन मोठा फटका मारायचा होता, पण जडेजाने चांगली गोलंदाजी केली आणि चेंडू थेट धोनीच्या हातात…
अंबानींनी अख्खी पर्स रिकामी केली, पोलार्डची कसर भरुन काढली आणि चेन्नईलाही जशास तसं उत्तर दिलं
गिलला मारताना चेंडू फिरला आणि धोनीच्या हातात गेला. मग काय होतं… थालाने नेहमीच्या चपळाईने तो चेंडूने त्रिफळा उडवला. गिलचे पाय खूप पुढे होते. अशा परिस्थितीत धोनीने संधीचा पुरेपूर फायदा घेतला. निर्णय थर्ड अंपायरकडे गेल्यानंतर गिल गोंधळलेला दिसत असला तरी एमएस धोनीने जडेजाला स्माईल देऊन गिल बाद झाल्याचे स्पष्ट केले. गिलला बाद करून वयाच्या ४१ व्या वर्षी धोनीने पुन्हा एकदा सिद्ध केले आहे की तो जगातील सर्वोत्तम यष्टिरक्षक आणि कर्णधार का आहे.
[ad_2]
