[ad_1]
( प्रगत भारत । pragatbharat.com)
पदार्पणाच्या मालिकेतच ऐतिहासिक कामगिरी
सुनील गावस्कर यांनी १९७१ मध्ये वेस्ट इंडिज दौऱ्यावर भारताकडून कसोटी पदार्पण केले. त्याने आपल्या पहिल्याच कसोटी मालिकेत ७७४ धावा केल्या. त्यांनी ८ डावात ४ शतके आणि ३ अर्धशतके झळकावली होती. आजही पदार्पणाच्या मालिकेत कोणत्याही फलंदाजाने केलेली ही सर्वोच्च कामगिरी आहे. यासोबतच आजही कोणत्याही भारतीय फलंदाजाला कसोटी मालिकेत यापेक्षा जास्त धावा करता आलेल्या नाहीत.
१०,००० धावा करणारा पहिला क्रिकेटर
कसोटी क्रिकेटमध्ये १०,००० धावा करणारा सुनील गावसकर हे पहिले फलंदाज आहेत. सलग १०० कसोटी खेळणारा तो पहिला क्रिकेटपटूही आहे. १२५ कसोटींच्या कारकिर्दीत गावस्कर यांनी ५१.१ च्या सरासरीने १०,१२२ धावा केल्या. त्यांची सर्वात मोठी खेळी २३६ धावांची होती. यासोबतच त्यांच्या नावावर १०८ वनडेमध्ये ३०९२ धावा आहेत. फक्त ५ फूट ५ इंच उंची असलेले गावसकर शॉर्ट पिच बॉलिंग खेळण्यात पारंगत होते.
ब्रॅडमन यांचा विक्रम मोडला
सुनील गावसकर यांनी सर डॉन ब्रॅडमन यांचा कसोटीत सर्वाधिक शतके ठोकण्याचा विक्रम मोडला. ब्रॅडमन यांच्या नावावर २९ शतके आहेत. गावसकर हे ३० शतके ठोकणारे पहिले फलंदाज होते. जेव्हा ते निवृत्त झाले तेव्हा त्यांच्या नावावर ३४ शतके होती. २००५ मध्ये सचिन तेंडुलकरने कसोटीत सर्वाधिक शतकांचा विश्वविक्रम मोडला. कसोटीत १०० झेल घेणारे गावस्कर हे पहिले भारतीय क्षेत्ररक्षक होते.
[ad_2]
