[ad_1]
( प्रगत भारत । pragatbharat.com)
रोहित आणि यशस्वी फलंदाजी करत असताना अन्य खेळाडूंना फलंदाजीची संधी मिळणार की नाही, ही चर्चा सुरु होती. पण रोहित बाद झाला आणि त्यानंतर भारतीय फलंदाजांना जास्त काळ मोठी फटकेबाजी करता आली नाही. त्यानंतर शुभमन गिलही लवकर बाद झाला. त्यानंतर विराट कोहली आणि यशस्वीची जोडी काही काळ जमली. पण यशस्वीला द्विशतकाने हुलकावणी दिली. त्यानंतर फलंदाजीला आला तो अजिंक्य. या सामन्यात मोठी धावसंख्या उभारण्याची संधी यावेळी अजिंक्यला होती.
अजिंक्य हा विश्व अजिंक्यपद स्पर्धेच्या अंतिम फेरीत फॉर्मात असलेला एकमेव खेळाडू होता. कारण या सामन्यात भारताकडून त्याने सर्वाधिक धावा केल्या. त्यामुळे अजिंक्य यावेळी चांगली फलंदाजी करेल, असे वाटले होते. पण त्याचवेळी त्याच्याकडून एक मोठी चूक घडली. कारण यावेळी अजिंक्यने आपली विकेट ही वेस्ट इंडिजचा वेगवान गोलंदाज केमार रोचला आंदण दिली. अजिंक्यने यावेळी चुकीचा फटका मारला. अजिंक्य हा एक तंत्रशुद्ध आणि अनुभवी खेळाडू आहे. त्यामुळे अजिंक्य अशा पद्धतीने बाद होईल, असे कोणालाही वाटले नव्हते. त्यामुळे अजिंक्यने जेव्हा आपली विकेट आंदण दिली तेव्हा करोडो चाहते ते पाहून हैराण झाले. हा फटमा मारण्यासाठी अजिंक्यने चुकीचे पाऊल उचलले. त्यामुळे चाहते त्याच्यावर नाराज झाले आहेत. कारण अजिंक्यला भारतीय संघाबाहेर काढण्यात आले होते. त्यानंतर आयपीएलमध्ये दमदार कामिगरी करत त्याने भारतीय संघात पुनरागमन केले. पण पुनरागमन केल्यानंतर दुसऱ्याच सामन्यात तो वाईट पद्धतीने बाद झाला आहे. त्यामुळे अजिंक्य असाच खेळत राहीला तर त्याचे संघातील स्थान धोक्यात येऊ शकते.
पहिल्या कसोटीत जिथे धावांचा वर्षाव सुरु होता तिथे अजिंक्य फक्त तीन धावांवर बाद झाला. त्यामुळे आता अजिंक्यचे संघातील स्थान धोक्यात येऊ शकते.
[ad_2]
