[ad_1]
( प्रगत भारत । pragatbharat.com)
श्रेयांकाने महिला कॅरेबियन प्रीमियर लीगमध्ये तिच्या गोलंदाजीच्या जोरावर इतिहास घडवला. तिने अशी कामगिरी केली जी आजवर सीपीएलमध्ये कोणाला करता आली नाही. २१ वर्षीय श्रेयांका पाटीलने गुयाना एमेझॉन वॉरियर्सकडून खेळताना बारबाडोस रॉयल्सविरुद्ध विक्रमी कामगिरी केली. सीपीएलच्या इतिहासात सर्वात यशस्वी स्पेल टाकण्याची कामगिरी श्रेयांकाने केली.
भारताच्या या युवा क्रिकेटपटूने ४ षटकात ८.५०च्या इकॉनमीने ३४ धावा देत ४ मोठ्या विकेट घेतल्या. श्रेयांकाने कर्णधार हेली मॅथ्यूज, रशादा विलियम्स, आलिया आणि चेडियन नेशन यांना बाद केले. महिला कॅरेबियन प्रीमियर लीगमध्ये ४ विकेट घेणारी ती पहिली गोलंदाज ठरली आहे. तिच्या या कामगिरीचे सर्वत्र कौतुक होत आहे. महिला प्रीमियर लीगच्या पहिल्या हंगामात श्रेयांका पाटीलने रॉयल चॅलेंजर्स बेंगळुरूकडून खेळताना ६ सामन्यात ६ विकेट घेतल्या होत्या.
कामगिरी वाया गेली
श्रेयांका पाटीलने बारबाडोस रॉयल्सविरुद्ध खेळताना ४ विकेट घेत इतिहास घडवला. पण तिच्या या धमाकेदार कामगिरीनंतर देखील संघाला विजय मिळवता आला नाही. रॉयल्सने ही लढत ३ विकेटनी जिंकली. अमेझॉन वॉरिअर्सने प्रथम फलंदाजी करताना २० षटकात ४ बाद १४६ धावा केल्या. बारबाडोसने हे लक्ष्य ३ विकेट आणि २ चेंडू राखून पार केले.
[ad_2]
