[ad_1]
( प्रगत भारत । pragatbharat.com)
मुंबईला विजयासाठी सहा चेंडूत ११ धावांची गरज होती. धडाकेबाज फलंदाज टिम डेव्हिड आणि कॅमरुन ग्रीन मैदानात होते, तर मोहसीन खान गोलंदाजी करत होता. मोहसीनने या दोन बलाढ्य खेळाडूंसमोर पूर्ण ताकद पणाला लावत लखनौला विजय मिळवून दिला.
मुंबई इंडियन्सला विजयासाठी शेवटच्या षटकात केवळ ११ धावांची गरज होती. सेट झालेले टीम डेव्हिड आणि कॅमेरून ग्रीन फलंदाजी करत होते. मुंबई हा सामना सहज जिंकेल असे वाटत होते. मात्र वेगवान गोलंदाज मोहसीन खानने त्यांचे स्वप्न पूर्ण होऊ दिले नाही. त्याच्या भेदक गोलंदाजीसमोर दोन्ही फलंदाजांची हवा निघाली, त्यांना सहा चेंडूत केवळ पाचच धावा करता आल्या.
मोहसीन खानने टाकलेल्या शेवटच्या षटकाचा पहिला चेंडू डॉट होता. ग्रीनला एकही धाव घेता आली नाही. यानंतर पुढच्या दोन चेंडूंवर प्रत्येकी १-१ धावा झाल्या. आता मुंबईला तीन चेंडूत ९ धावांची गरज होती. षटकाच्या चौथ्या चेंडूवरही ग्रीन काही करु शकला नाही. अशा परिस्थितीत आता मुंबईला विजयासाठी दोन चेंडूत ९ धावांची आवश्यकता होती. शेवटच्या षटकातील पाचव्या चेंडूवर फक्त एक धाव आली. त्याच वेळी टीम डेव्हिडला शेवटच्या चेंडूवर केवळ दोन धावा काढता आल्या. अशा स्थितीत लखनौने हा रोमहर्षक सामना पाच धावांनी जिंकला.
लखनौ सुपर जायंट्स आता १५ गुणांसह गुणतालिकेत तिसऱ्या क्रमांकावर आहेत. लखनौने मोहसीनला गेल्या सीझनमध्ये 20 लाख रुपयांना खरेदी केले होते. त्याचवेळी टीम डेव्हिड (८.२५ कोटी) आणि कॅमेरून ग्रीनला (१७.५० कोटी) खरेदी करण्यासाठी मुंबईने एकूण २५ कोटींहून अधिक रक्कम मोजली होती.
[ad_2]