[ad_1]
( प्रगत भारत । pragatbharat.com)
गिलला विश्व अजिंक्यपद स्पर्धेनंतर मोठा फटका बसल्याचे समोर आले आहे. कारण विश्व अजिंक्यपद स्पर्धेच्या अंतिम फेरीत गिल वादग्रस्तपणे बाद झाला. गिल बाद होता की नाही, यावर जोरदार चर्चा झाली. तिसऱ्या पंचांनी गिलला बाद करण्यात घाई केली,असेही बऱ्याच जणांनी म्हटले. पण पंचांचा निर्णय अंतिम असतो आणि त्यानुसार गिलला बाद देण्यात आले. पण त्यानंतर गिलकडून एक मोठी चूक घडली आणि तो आयसीसीच्या नियमांमध्ये अडकला. त्यामुळे त्याच्यावर आयसीसीने ११५ टक्के दंडाची कारवाई केली आहे. पण त्यानंतर आता गिलचा हा रोमँटीक फोटो व्हायरल झाला आहे.
गिल हा एका कार्यक्रमासाठी या तरुणीला भेटल्याचे समोर आले आहे. ही मिस्ट्री गर्ल एक निवेदीका असल्याचे समोर येत आहे. एका मुलाखतीसाठी ती गिलला भेटली होती आणि त्यानंतर आता या दोघांमध्ये अफेअर सुरु असल्याची चर्चा सुरु झाली आहे. त्यामुळे पुन्हा एकदा सोशल मीडियावर या गिलच्या फोटोमुळे खळबळ उडाली आहे.
गिल आयपीएलमध्ये भन्नाट फॉर्मात होता, पण विश्व अजिंक्यपद स्पर्धेत मात्र तो अपयशी ठरल्याचे पाहायला मिळाले. पण या फोटोमुळे आता गिल पुन्हा एकदा चर्चेत आला आहे. चाहत्यांना हा फोटो चांगलाच आवडला आहे. त्यामुळे आता साराचे काय होणार, याची चर्चा सोशल मीडियावर सुरु झाली आहे.
[ad_2]
