[ad_1]
( प्रगत भारत । pragatbharat.com)
बोटीतून प्रवास करणारे लोक हे नायजेरियाच्या उत्तरेत असलेल्या नायजर देशातील एगबोटी गावात झालेल्या एका लग्नासाठी गेले होते. परत येताना हा अपघात झाला. नायजेरिया पोलिसांचे प्रवक्ते ओकासनमी अजयी यांनी सांगितले की, दुर्घटनेवेळी बोटीत महिला आणि मुलांची संख्या मोठ्या प्रमाणात होती.
भारतीय गोलंदाजाचा लाजिरवाणा विक्रम; क्रिकेटच्या इतिहासात असं कधीच झाले नाही, एका चेंडूवर दिल्या १८ धावा
अपघात नेमका कशामुळे झाला हे अद्याप स्पष्ट झाले नाही. अपघातावेळी बोटीत १०० हून अधिक लोक होते. काही लोकांकडे बाईक देखील होती. ही दुर्घटना रात्री ३ वाजता झाल्याने मदत वेळेत पोहोचली नाही. अनेकांना या घटनेची माहिती फार उशिरा समजली.
स्थानिक प्रशासकीय अधिकाऱ्यांनी दिलेल्या माहितीनुसार, मंगळवारी अनेक मृतदेह हाती सापडले. नाइजर ही नायजेरियातील सर्वात मोठी नदी आहे. नायजेरियाचा समावेश आफ्रिकेतील सर्वात गरीब देशांमध्ये होते. यामुळेच येथे वाहतुकीसाठी फार साधने उपलब्ध नाहीत. अधिक तर लोक प्रवासासाठी बोटीचा वापर करतात. कारण देशात रस्ते खराब आहेत. साधन सामुग्रीची वाहतूक देखील बोटीनेच केली जाते. लांबच्या प्रवासासाठी स्थानिक छोट्या बोटी किंवा मध्यम बोटींचा वापर केला जातो. अधिकतर दुर्घटना या क्षमतेपेक्षा जास्त प्रवासी किंवा वस्तू असल्यामुळे किंवा पुरेशी देखभाल न केल्यामुळे होतात.
गेल्याच महिन्यात सोकोतो राज्यात एका नदीत नाव पटल्याने १५ मुलांचा मृत्यू झाला होता. त्याआधी २०२२ मध्ये अनम्बरा राज्यात पुरात बोट उलटल्याने ७६ जणांचा मृत्यू झाला होता. मे २०२१ मध्ये अशाच एका घटनेत २० लोकांचा मृत्यू झाला होता. तेव्हा १५० अधिक लोक बेपत्ता झाले होते.
[ad_2]
