[ad_1]
( प्रगत भारत । pragatbharat.com)
एरवी आशिष नेहरा हा शांत स्वभावासाठी म्हणून ओळखला जातो. यंदाच्या आयपीएल स्पर्धेतील गुजरात टायटन्सच्या संघाची कामगिरी चांगली राहिली आहे. प्रशिक्षक असलेला आशिष नेहरा हा आतापर्यंत डगआऊटमध्ये बसून हार्दिक पांड्या आणि मेंटॉर असलेल्या गॅरी कर्स्टन यांच्याशी शांतपणे चर्चा करताना, रणनीती आखताना अनेकदा दिसून आला आहे. मात्र, सोमवारच्या सामन्यादरम्यान क्रीडारसिकांना आशिष नेहराचे वेगळेच रुप पाहायला मिळाले. या सामन्यात नेहरा आणि पांड्या यांच्यात शाब्दिक चकमक झाल्याचे पाहायला मिळाले. याचा व्हिडिओ व्हायरल झाल्यानंतर सोशल मीडियावर पांड्या आणि नेहरा यांच्यात वाद नेमका कशामुळे झाला, याची चर्चा सुरु झाली.
अर्जुन तेंडुलकरला कुत्रा चावला, IPL सुरु असतानाच धक्कादायक प्रकार; व्हिडीओमध्ये पाहा नेमकं काय घडलं
या सामन्यात प्रथम फलंदाजी करणाऱ्या गुजरात टायटन्सची सुरुवात फारशी चांगली झाली नव्हती. सलामीवीर वृद्धिमान साहा पहिल्याच षटकात भोपळाही न फोडता माघारी परतला. त्यानंतर शुभमन गिल आणि साई सुदर्शन या दोघांनी १४७ धावांची भागीदारी करत गुजरात टायटन्सला सुस्थितीत आणून ठेवले. गिल आणि साई सुदर्शन खेळपट्टीवर असताना गुजरात टायटन्स २२५ धावांचा टप्पा ओलांडेल, असे वाटत होते. मात्र, शेवटच्या टप्प्यात गुजरातच्या संघाला अपेक्षित कामगिरी करता आली नाही. त्यामुळे आशिष नेहरा नाखूश होता. आशिष नेहराची ही नाराजी पहिल्यांदा शुभमन गिलने शतक झळकावले, त्यावेळी पाहायला मिळाली. शुभमन गिल सेंच्युरी केल्यानंतर बॅट उंचावून सगळ्यांना अभिवादन करत होता. त्यावेळी गुजरात टायटन्सच्या डगआऊटमध्ये बसलेले सर्व खेळाडू उठून उभे राहिले होते, अपवाद होता तो फक्त आशिष नेहराचा. संपूर्ण मैदान उभे राहून शुभमन गिलवर कौतुकाचा वर्षाव करत असताना आशिष नेहराने जागेवरुन उठण्याची तसदी घेतली नाही.
VIDEO: W W W…सलग तीन चेंडूंवर ३ विकेट, तरीही का नाही झाली भुवनेश्वरची हॅट्रिक?
शेवटच्या षटकांमध्ये शुभमन गिलसह गुजरात टायटन्सचे फलंदाज एकापाठोपाठ एक बाद होत गेले. परिणामी एकावेळी सहजपणे २०० धावांचा टप्पा ओलांडेल असे वाटत असणाऱ्या गुजरात टायटन्सला फक्त १८८ धावा करता आल्या. त्यामुळे आशिष नेहराच्या संतापाचा पारा चढला. इनिंग संपल्यानंतर हार्दिक पांड्या आणि आशिष नेहरा यांच्यात चर्चा झाली. यावेळी दोघेही तावातावाने बोलत असून त्यांच्या चेहऱ्यावर वैतागल्याचे भाव होते. या संभाषणानंतर आशिष नेहरा निघून गेला, त्यानंतर गुजरात टायटन्स संघाचे संचालक विक्रम सोळंकी हार्दिक पांडयाला शांत करण्याचा प्रयत्न करताना दिसत होते.
मात्र, या सामन्यात गुजरातने सनराजर्स हैदाराबाद संघाचा सहजपणे पराभव केला. गुजरातने दिलेल्या १८९ धावांच्या आव्हानाच पाठलाग करताना सनरायजर्स हैदराबादला १५४ धावाच करत आल्या. त्यामुळे गुजरात टायटन्स संघाचा ३४ धावांनी विजय झाला.
[ad_2]
