[ad_1]
( प्रगत भारत । pragatbharat.com)
सचिन तेंडुलकर
आजच्या आधुनिक काळातील क्रिकेटमध्ये पगाराव्यतिरिक्त खेळाडू फ्रँचायझी लीग आणि जाहिरातींमुळे मोठी कमाई करतात, पण क्रिकेटच्या मैदानानंतर आता व्यवसायाच्या क्षेत्रातही चौकार-षटकार भारताचा महान क्रिकेटर मास्टर ब्लास्टर सचिन तेंडुलकर चौकार षटकार लगावत आहे. सचिन तेंडुलकरला क्रिकेटच्या मैदानावर जे यश मिळालं तसं व्यवसायाच्या क्षेत्रातही तितकंच यश मिळालं. यामुळेच त्यांचा व्यवसाय भारतातच नाही तर यूएईमध्येही पसरला.
मास्टर ब्लास्टरचा बिझनेस
मास्टर ब्लास्टर सचिन तेंडुलकरने १० पेक्षा जास्त व्यवसायात हात आजमावला आहे. यामुळेच सचिन तेंडुलकरची सध्याची संपत्ती १२५० कोटींहून अधिक आहे. सचिनने २००२ मध्ये पहिल्यांदा व्यावसायिक क्षेत्रात पाऊल ठेवले. हॉटेल चेनचे मालक संजय नारंग यांच्या सहकार्याने त्यांनी मुंबईत ‘तेंडुलकर’ हे पहिले रेस्टॉरंट सुरू केले. यानंतर त्यांनी मुंबईत सचिन नावाने दुसरे रेस्टॉरंट सुरू केले परंतु २००७ पर्यंत ते बंद पडले.
युएईमध्येही बिझनेस
सचिनचा व्यवसाय फक्त भारतातच नव्हता. मुसाफिर या यूएई ट्रॅव्हल कंपनीतही त्याने गुंतवणूक केली आहे. या कंपनीत सचिनची ७.५ टक्के भागीदारी होती. याशिवाय तो या कंपनीचे ब्रँड अॅम्बेसेडरही होता. नंतर सचिनने स्वतःला या कंपनीपासून वेगळे केले. सचिनने मुसाफिर कंपनीसोबत सुमारे ३० कोटींची डील केली होती.
स्पोर्ट्स एंटरटेनमेंट
याशिवाय सचिनने क्रीडा मनोरंजनाच्या जगात २००९ साली प्रवेश केला होता. स्मॅश एंटरटेनमेंट असे या कंपनीचे नाव आहे. सचिन या कंपनीत सर्वात मोठा भागधारक म्हणून संबंधित आहे. ही एक तंत्रज्ञान आधारित क्रीडा सेवा कंपनी आहे, जी क्रिकेट, फुटबॉल, रेसिंग आणि इतर खेळांशी संबंधित सेवा पुरवते. याची सुरुवात श्रीपाल मोरखिया यांनी केली होती, जो शेअरखानशीही संबंधित आहे.
टेक कंपनी
सचिन तेंडुलकर हा स्मार्टट्रॉन या टेक कंपनीतील प्रमुख गुंतवणूकदारांपैकी एक आहे. ही कंपनी स्मार्ट फोनसह अनेक इलेक्ट्रॉनिक्स गॅजेट्स तयार करते. स्मार्टरॉन फोन सध्या ऑनलाइन शॉपिंग पोर्टल फ्लिपकार्टवर उपलब्ध आहे.
फॅशन कंपनी
सचिनने ट्रू ब्लू नावाच्या फॅशन कंपनीतही गुंतवणूक केली आहे. हा सचिन तेंडुलकर आणि अरविंद फॅशन ब्रँडचा संयुक्त उपक्रम आहे. ही कंपनी २०१६ मध्ये सुरू झाली. सचिनचा मुलगा अर्जुनही त्याला या कंपनीत मदत करतो.
सच केअर प्रॉडक्ट
याशिवाय, २०११ मध्ये, फ्युचर ग्रुपच्या बिग बाजारने सचिन तेंडुलकरच्या नावाने प्रेरित ‘सच’ नावाच्या वैयक्तिक केअर प्रोडक्ट्सची रेंज लॉन्च केली. सचिननेही या उत्पादनात गुंतवणूक केली होती.
लीग
सचिन तेंडुलकरने अनेक लीगमधील संघांवरही बोली लावली. तो आयएसएल संघ केरळ ब्लास्टर्स, बॅडमिंटन प्रीमियर लीगमधील बेंगळुरू ब्लास्टर्स आणि कबड्डीमधील मास्टर ब्लास्टर्स मॅजिक या संघांचा सह-मालक आहे. मात्र, २०१८ मध्ये त्याने आयएसएलमधील आपली हिस्सेदारी विकली.
गेमिंग कंपनी
सचिनने २०२१ मध्ये जेटसिंथेसिस नावाच्या गेमिंग कंपनीतही गुंतवणूक केली आहे. सचिन या कंपनीत जॉइंट व्हेंचर म्हणून रुजू झाला आहे. एक वेगळा गेमिंग अनुभव आणण्यासाठी 100MB ने जेटसिंथेसिस सोबत काम केले आहे.
ब्रँड अ‍ॅम्बेसेडर
यूज्ड कार सिंपनीमध्येही सचिनने आपले पैसे गुंतवले आहेत. याशिवाय तो या कंपनीचा ब्रँड अ‍ॅम्बेसेडर देखील आहेत. सचिनने दोन वर्षांपूर्वी २०२१ मध्ये या कंपनीशी डील केली.
SRT स्पोर्ट्स मॅनेजमेंट कंपनी
सचिन तेंडुलकरने २०१६ मध्ये SRT स्पोर्ट्स मॅनेजमेंट कंपनी सुरू केली. त्याची पत्नी अंजली तेंडुलकर ही कंपनी सांभाळते. तर सचिन या कंपनीचे सर्व व्यावसायिक आणि सामाजिक काम पाहतो.
[ad_2]
