[ad_1]
( प्रगत भारत । pragatbharat.com)
डावात कुमार संगकारा नंबर वन, पण..
पहिल्या क्रमांकावर श्रीलंकेचा महान फलंदाज कुमार संगकारा आहे, ज्याने १७२ डावांमध्ये ही कामगिरी केली होती. मात्र, ही कामगिरी करण्यासाठी सामन्यांच्या बाबतीत स्मिथने सर्वात वेगवान ही कामगिरी आपल्या नावे केली आहे. तो फक्त ९९ सामने खेळला आहे. स्मिथने ५६.६१ च्या सरासरीने ३७ अर्धशतके आणि ३१ शतके झळकावली आहेत. पहिल्या दिवसअखेर ऑस्ट्रेलियाच्या फलंदाजाने अर्धशतक झळकावत १५० चेंडूत ८५ धावा केल्या. ऑस्ट्रेलियाने पहिल्या दिवशी ५ गड्यांच्या मोबदल्यात ३३९ धावा केल्या आहेत.
राहुल द्रविडचा यांचा विक्रम मोडला
कसोटी क्रिकेटमध्ये ९००० धावांचा पल्ला गाठण्यासाठी द्रविडने १७६ डाव खेळले होते, तर स्मिथने त्यांच्यापेक्षा २ डाव कमी खेळले आहेत. या यादीत भारताचा महान द्रविडच नाही तर ब्रायन लारा, सचिन तेंडुलकर यांसारखे फलंदाजही खूप मागे आहेत. लारा आणि रिकी पाँटिंगच्या नावावर प्रत्येकी १७७ डाव आहेत, तर सचिन तेंडुलकरच्या नावावर १७९ डावात ९००० धावा करण्याचा विक्रम आहे.
सर्वात जलद ९००० कसोटी धावा करणारे फलंदाज
कुमार संगकारा – १७२ डाव
स्टीव्ह स्मिथ १७४ डाव
राहुल द्रविड – १७६ डाव
ब्रायन लारा – १७७ डाव
रिकी पाँटिंग – १७७ डाव
नॅथन लायनच्या नावे विशेष कामगिरी
सलग १०० कसोटी सामने खेळणारा ऑस्ट्रेलियाचा ऑफस्पिनर नॅथन लायन हा पहिला स्पेशलिस्ट गोलंदाज ठरला आहे. जुलै २०११ मध्ये कसोटीत पदार्पण करणारा लायन सलग १०० कसोटी खेळणारा क्रिकेटच्या इतिहासातील सहावा खेळाडू ठरला आहे. या यादीत अ‍ॅलिस्टर कूक (१५९), अ‍ॅलन बॉर्डर (१५३), मार्क वॉ (१०७), सुनील गावस्कर (१०६) आणि ब्रेंडन मॅक्युलम (१०१) यांचा समावेश आहे.
योगायोगाने लॉर्ड्सवर लियॉनने ही दुर्मिळ कामगिरी केली आहे. येथेच त्याला अखेरच्या कसोटी इलेव्हनमधून वगळण्यात आले. २०१३ च्या अ‍ॅशेस मालिकेसाठी ऑस्ट्रेलियाच्या इंग्लंड दौर्‍यादरम्यान जवळपास एक दशकापूर्वीची ही गोष्ट आहे. १२२वी कसोटी खेळताना लियॉन म्हणाला, “ही एक अशी गोष्ट आहे ज्याचा मला खरंच खूप अभिमान वाटतो.”
[ad_2]
