[ad_1]
( प्रगत भारत । pragatbharat.com)
ऑस्ट्रेलियाचा फिरकी गोलंदाज नॅथन लायन संपूर्ण ॲशेस मालिकेला मुकणार आहे. दुसऱ्या कसोटीच्या दुसऱ्या दिवशी क्षेत्ररक्षण करताना त्याला दुखापत झाली होती. त्याच्या पोटरीला दुखापत झाली आहे. यातून सावरण्यासाठी त्याला वेळ लागणार आहे. त्याच्या जागी टॉड मर्फीला तिसऱ्या कसोटीत स्थान मिळण्याची शक्यता आहे. कारण, ‘क्रिकेट ऑस्ट्रेलिया’ने लायनच्या जागी कोणाच्याही नावाची घोषणा केलेली नाही. तिसरी कसोटी गुरुवारपासून हेडिंग्ले येथे खेळली जाणार आहे.
दुसऱ्या सामन्यात झालेल्या वादाची जोरदार चर्चा…
ॲशेस मालिकेतील दुसऱ्या लॉर्ड्स कसोटीत यजमान इंग्लंडला ऑस्ट्रेलियाकडून पराभव पत्करावा लागला. मात्र, या पराभवापेक्षा इंग्लंडचा फलंदाज जॉनी बेअरस्टोला ऑस्ट्रेलियाचा यष्टिरक्षक ॲलेक्स कॅरीने अखिलाडूवृत्तीने यष्टिचीत केल्याने चर्चेला तोंड फुटले आहे. फक्त आजी, माजी खेळाडू किंवा विश्लेषकच नव्हेत तर इंग्लंड आणि ऑस्ट्रेलियाच्या प्रशिक्षकांनीही उघड नाराजी व्यक्त केली.
प्रशिक्षक मॅकलम म्हणाले…
‘आता ऑस्ट्रेलियाच्या खेळाडूंसोबत मैत्रीचे संबंध नसतील. वाढत्या वयासह माणसे अधिक प्रगल्भ होत जातात. तेव्हा तुम्हाला खेळ अधिक चांगल्या प्रकारे कळतो. काही निर्णय खेळ आणि खेळाडूच्या प्रतिमेवर परिणाम करतात. नियमानुसार बेअरस्टो बाद असेलही; पण तो काही धाव काढण्याचा प्रयत्न करीत नव्हता. अशा वेळी तुम्ही खिलाडूवृत्ती दाखवायलाच हवी. यामुळे कसोटीतील दर्जेदार खेळ आणि निकालापेक्षा चुकीच्या पद्धतीने यष्टिचीत केल्याची चर्चा अधिक होईल’, असे इंग्लंडचे प्रशिक्षक मॅकलम म्हणाले.
सध्याच्या घडीला ऑस्ट्रेलियाने दोन सामने जिंकले आहेत, पण या मालिकेतील तीन सामने अजूनही शिल्लक आहेत.
[ad_2]
