[ad_1]
( प्रगत भारत । pragatbharat.com)
‘इम्पॅक्ट खेळाडू’च्या नियमाचा वापर सर्वांतआधी सईद मुश्ताक अली टी-२० स्पर्धेतच झाला होता; पण त्यावेळी या नियमाचा अवलंब १४व्या षटकात किंवा त्याआधी आधी करणे बंधनकारक होते. तसेच ‘इम्पॅक्ट खेळाडू’साठी संघातील खेळाडूचे नाव नाणेफेकीआधी दिले जाई. आयपीएलमध्ये या नियमाची अंमलबजावणी करताना थोडा बदल करण्यात आला. या नियमांसाठी चार बदली खेळाडूंची नावे नाणेफेकीच्याआधी अंतिम अकराच्या यादीसह देणे अनिवार्य करण्यात आले. तसेच या चार बदली खेळाडूंपैकी कोणत्याही एकाच खेळाडूचा वापर ‘इम्पॅक्ट खेळाडू’ म्हणून करणेही बंधनकारक करण्यात आले.
‘प्रतिस्पर्धी संघांना प्रत्येक सामन्यात एकच इम्पॅक्ट खेळाडू वापरता येऊ शकतो. मात्र नियमाचा वापर अनिवार्य नसेल’, असे नियमात नमूद करण्यात आले आहे. आयपीएलमध्ये ‘इम्पॅक्ट खेळाडू’चा मोठ्या प्रमाणात वापर करण्यात आला. ज्यावर सकारात्मक, नकारात्मक मतेही व्यक्त झाली. यामुळे अष्टपैलूचे महत्त्व कमी होईल, अशी टीका झाली ऑस्ट्रेलियाचा माजी कर्णधार आणि दिल्ली कॅपिटल्सचा मार्गदर्शक रिकी पाँटिंगने केली होती.
एका ओव्हरमध्ये दोन…
याच बरोबर बीसीसीआयने चेंडू आणि बॅटमधील स्पर्धा अधिक वाढवणारा निर्णय घेतला आहे. सईद मुश्ताक अली टी-२० स्पर्धेत एका ओव्हरमध्ये दोन बाउंसर टाकण्याची परवानगी असेल. याचा फायदा गोलंदाजांना नक्की होईल. खासकरून डेथ ओव्हर्समध्ये जेव्हा धावांचा पाठलाग सुरू असेल तेव्हा फलंदाजांसाठी ही गोष्ट डोकेदुखी ठरू शकते.
-एशियाड सहभागावर शिक्कामोर्तब
येत्या सप्टेंबर-ऑक्टोबरमध्ये चीनच्या हाँग्झूमध्ये रंगणाऱ्या एशियाडसाठी टीम इंडियाच्या सहभागावरही या बैठकीत शिक्कामोर्तब करण्यात आले. पुरुषांचा दुसऱ्या फळीतील संघ स्पर्धेत भाग घेईल. महिलांचा मात्र पूर्ण ताकदीचा संघ एशियाडसाठी रवाना होईल. या स्पर्धांना २८ सप्टेंबरपासून सुरुवात होईल. क्रिकेटचा समावेश एशियाडमध्ये आतापर्यंत तीनचवेळा झाला आहे. ही स्पर्धा आणि भारतात रंगणाऱ्या वनडे वर्ल्ड कपचे आयोजन जवळपास काही दिवसांच्या अंतरानेच होते आहे. त्यामुळे बीसीसीआयला या स्पर्धांसाठी दोन वेगळे संघ पाठविणे भागच आहे.
भारतीय क्रिकेट संघाचा व्यग्र कार्यक्रम बघता आशियाई क्रीडा स्पर्धांसाठी भारताचा पुरुष संघ पाठविणे मोठे आव्हानच होते; मात्र देशासाठी योगदान देणेही महत्त्वाचेच आहे. भारताचे पुरुष आणि महिला संघ सुवर्ण पदकासाठी फेव्हरिट आहेत, यात शंका नाही, असे बीसीसीआयने म्हटले आहे. ‘अचूक नियोजन आणि समन्वयाच्या आधारे बीसीसीआयने एशियाडसाठी संघ पाठविण्याचे आव्हान पेलले आहे. देशासाठी आम्ही पुरुष आणि महिला असे दोन्ही संघ एशियाडसाठी पाठविणार आहोत’, असे बीसीसीआयने नमूद केले.
[ad_2]
