[ad_1]
( प्रगत भारत । pragatbharat.com)
टीम इंडियाच्या नवीन कसोटी सामान्यांसाठीच्या जर्सीवर खांद्यावर निळे पट्टे आहेत. त्याचवेळी जर्सीच्या समोर लाल रंगात ‘ड्रीम 11’ चा लोगो आहे. जो लाल रंगात खूप ठळकपणे दिसत आहे. ड्रीम 11 टीम इंडियाचा नवीन प्रायोजक आहे. ड्रीम 11 चा बीसीसीआयसोबत ३५० कोटींचा करार आहे. टीम इंडियाच्या नव्या जर्सीमुळे चाहते खूप निराश झाले आहेत. त्यांनी हि जर्सी चांगली नसल्याचे म्हटले आहे. तर बर्‍याच चाहत्यांना वाटते की ‘बायजूस’ अधिक चांगली होती, तर काहींना वाटते की कसोटी जर्सी हळूहळू परंतु निश्चितपणे एकदिवसीय पोशाखात बदलत आहे.
टीम इंडियाच्या जर्सीमधला लाल रंग चाहत्यांना खूपच तिखट वाटला आहे. त्यामुळे कसोटी जर्सी जरा जास्तच रंगीबेरंगी दिसत असल्याचे म्हटले जात आहे. जणू ती कसोटी सामन्याची जर्सी नसून एकदिवसीय सामन्यांसाठीची जर्सी वाटतं आहे.
टीम इंडियाच्या जर्सीतून भारताचे नाव गायब
टीम इंडियाच्या नवीन जर्सीमध्ये भारताचे नाव नाहीय. तसे, हे केवळ डीलमुळे केले गेले आहे. खरं तर, द्विपक्षीय मालिकेदरम्यान, टीम इंडियाच्या टेस्ट जर्सीच्या पुढच्या बाजूला जर्सीच्या प्रायोजकाचे नाव छापले जाते, तर आयसीसी टूर्नामेंटमध्ये देशाचे नाव लिहिले जाते.
भारतीय संघ सध्या डोमेनिकाची राजधानी रोसेओ येथील विंडसर पार्क येथे प्रशिक्षण घेत आहे. सर्वांच्या नजरा रोहित शर्मा आणि विराट कोहली यांच्यावर असतील कारण हे दोन्ही फलंदाज सध्या खेळाच्या सर्वात लांब फॉरमॅटमध्ये खराब फॉर्मशी झुंज देत आहेत. तर नवीन युवा खेळाडूंपैकी कोणाला संधी मिळणार यावरही सर्वांचे तितकेच लक्ष आहे.
[ad_2]
