[ad_1]
( प्रगत भारत । pragatbharat.com)
कोहलीसाठी हा दौरा महत्वाचा असेल. कारण विश्व अजिंक्यपद स्पर्धेच्या फायनलनंतर तो चांगलाच ट्रोल व्हायला लागला आहे. पण वेस्ट इंडिजमधील पहिल्या कसोटीत विराटने चांगली फलंदाजी केली. विराट यावेळी जास्त संयमपणे खेळत असला तरी त्याने अर्धशतक पूर्ण तर केलेच, पण त्याचबरोबर त्याने आता कसोटी क्रिकेटमधील वीरेंद्र सेहवागचा विक्रम मोडीत काढला आहे.
विराटने पहिल्या कसोटीत अर्धशतक झळकावण्यापूर्वीच सेहवागचा विक्रम मोडला होता. कसोटी क्रिकेटमध्ये सेहवागच्या नावावर एकूण ८५०३ धावा होत्या. सेहवागने त्याच्या १२ वर्षांच्या कसोटी कारकिर्दीत १०३ कसोटी सामन्यांमध्ये या धावा केल्या होत्या. कोहलीने ११० व्या कसोटीत २५ धावा करताच सेहवागचा विक्रम मोडला. कसोटी क्रिकेटमध्ये सर्वाधिक धावा करणारा कोहली हा पाचवा भारतीय फलंदाज ठरला. या यादीत सचिन तेंडुलकर पहिल्या स्थानावर आहे. महान फलंदाज सचिन तेंडुलकरने आपल्या कसोटी कारकिर्दीत १५, ९२१ धावा केल्या आहेत. त्याच्यानंतर राहुल द्रविड १३,२८८ धावांसह दुसऱ्या स्थानावर आहे. कसोटी क्रिकेटमध्ये प्रथम १० हजार धावा करणाचा पहिला मान सुनील गावस्कर यांनी मिळवला होता. कसोटी क्रिकेटमध्ये सुनील गावस्कर यांनी १०, १२२ धावा केल्या आहेत आणि या धावांसह ते या यादीत तिसऱ्या स्थानावर आहे. या यादीत व्हीव्हीएस लक्ष्मण ८,७८१ धावांसह चौथ्या स्थानावर आहे. त्यानंतर आता पाचव्या स्थानावर विराट कोहली पोहोचला आहे.
कोहलीच्या नावावर आहेत २८ शतकं
२०११ मध्ये किंग्स्टन येथे वेस्ट इंडिजविरुद्ध कसोटी पदार्पण केल्यानंतर कोहली भारतीय फलंदाजीतील एक महत्त्वाचा खेळाडू म्हणून उदयास आला. कोहलीने ४८.७२ च्या सरासरीने आणि ५५.३४ च्या स्ट्राईक रेटने ८ हजाराहून अधिक धावा केल्या आहेत. कोहलीने २८ शतके झळकावली आहेत. त्यामुळे आता कोहली या सामन्यात शतक झळकावणार का, याची उत्सुकता सर्वांनाच असेल.
[ad_2]
