[ad_1]
( प्रगत भारत । pragatbharat.com)
सूर्यादादाची फलंदाजी आणि त्याचे भन्नाट शॉट्स आपण पहिले आहेत. त्याची तशीच अफलातून फलंदाजी वनडेमध्ये कधी पाहायला मिळतेय याची सर्वच जण वाट पाहत आहेत. सूर्यासारखे भन्नाट शॉट्स त्यालाच मारता येतात इतरांनी ते मारण्याचा प्रयत्न करणे म्हणजे बाद होण्यावाचून पर्याय नाहीच. तसाच काहीसा प्रकार पहिल्या वनडे सामन्यात घडला. ज्याचा व्हिडीओ आपल्याला पाहायला मिळत आहे.
सूर्या बनण्याच्या नादात आऊट झाला हेटमायर
ही घटना १६ व्या षटकात घडली. रवींद्र जडेजा गोलंदाजी करत होता. जडेजाच्या गोलंदाजीवर शिमरॉन हेटमायर शॉट खेळण्यासाठी विकेटच्या बाहेर गेला पण तो थेट क्लीन बोल्ड झाला. हा शॉट खूपच चुकीचा ठरला. हेटमायरला हा शॉट सूर्यकुमार यादवच्या शैलीत खेळू पाहत होता पण तो विसरला की सूर्या आणि डिव्हिलियर्सशिवाय या प्रकारचा शॉट कोणीही खेळू शकत नाही. त्याच्या आऊट होण्याचा व्हिडिओ चांगलाच व्हायरल होत आहे.
या सामन्यात रवींद्र जडेजा आणि कुलदीप यादवच्या जोडीने एकूण ७ विकेट्स घेतले. जडेजाने ३ तर कुलदीपने शानदार स्पेल टाकत ३ षटकांमध्ये ६ धावा देत ४ विकेट्स घेतले आणि वेस्ट इंडिजच्या फलंदाजांना जास्त काळ मैदानावर टिकू दिले नाही. या दोघांनी भारताच्या विजयाचा पाय रचला तर इशान किशनने भारताला विजयापर्यंत नेण्यात मोठी भूमिका बजावली. त्याने ४६ चेंडूंत ७ चौकार आणि एका षटकाराच्या मदतीने ५२ धावांची खेळी केली. इशानला सलामीवीर म्हणून पाठवण्याचा कर्णधार रोहित शर्माचा निर्णय होता, जो स्वतः सातव्या क्रमांकावर फलंदाजीसाठी उतरला आणि विजयी चौकार ठोकून भारताला विजय मिळवून दिला. आशा आहे की, टीम इंडिया दुसऱ्या वनडेतही हा फॉर्म कायम ठेवेल.
[ad_2]
