[ad_1]
( प्रगत भारत । pragatbharat.com)
पुजाराने ११३ चेंडूत ११ चौकारांसह नाबाद ११७ धावा केल्या. ससेक्सने विजयासाठीचे ३१९ धावांचे लक्ष्य ११ चेंडू शिल्लक राखून पार केले. मात्र पुजाराच्या या शतकी खेळीनंतर आणि ससेक्सच्या विजयानंतर गुणतक्त्यात संघाला कोणताही फायदा झाला नाही, ते अद्यापही सर्वात तळाच्या स्थानावर कायम आहेत. ससेक्सने या वर्षी विजेतेपद देखील मिळवले होते.
वर्ल्ड टेस्ट चॅम्पियनशिपची फायनल खेळल्यानंतर पुजाराला भारतीय संघातून वगळण्यात आले होते. वेस्ट इंडिज दौऱ्यात त्याला टीम इंडियामध्ये जागा दिली नव्हती. पण ससेक्सकडून गेल्या दोन काउंटी सत्रात पुजाराने सर्वोत्तम फॉर्म दाखवला आहे. दुलीप ट्रॉफी खेळल्यानंतर तो ससेक्सकडून खेळण्यास आला.
पुजाराने लिस्ट ए च्या १२१ सामन्यात ५८.४८च्या सरासरीने धावा केल्या आहेत. यात त्याच्या नावावर १६ शतक आहेत. पुजाराने प्रथम टॉप अलसोपसोबत ८८ धावांची भागिदारी केली. त्यानंतर अन्य छोट्या भागिदारीकरून विजय मिळून दिला. या सामन्याच्या आधी त्याने ससेक्सकडून २३, नाबाद १०६ आणि ५६ अशा धावा केल्या आहेत.
पुजाराप्रमाणेच संघाबाहेर असलेल्या पृथ्वी शॉने देखील काही दिवसांपूर्वी २४४ धावांची शानदार खेळी केली होती. पृथ्वीने नॉर्थम्पटनशायर संघाकडून खेळताना समरसेटविरुद्ध १५३ चेंडूत २८ चौकार आणि ११ षटकारांह २४४ धावा केल्या होत्या.
[ad_2]