[ad_1]
( प्रगत भारत । pragatbharat.com)
भाविक आणि नागरिकांच्या सोयीसाठी 8 जूनपासून 12 जूनपर्यंत आळंदी करीता स्वारगेट, म.न.पा., हडपसर, पुणे स्टेशन, निगडी, भोसरी, हिंजवडी, चिंचवड या ठिकाणावरून सद्या संचलनात असणाऱ्या बसेस आणि जादा बसेस अशा दरदिवशी एकूण 142 बसेसची सोय करण्यात आली आहे. 11 जूनला रात्री 12 वाजेपर्यंत आळंदीला जाण्यासाठी बस उपलब्ध असेल. याशिवाय देहूला जाण्यासाठी पुणे स्टेशन, म.न.पा., निगडी, या ठिकाणावरून सद्याच्या संचलनात असणाऱ्या बसेस आणि जादा बसेस अशा एकूण 30 बसेसची सोय करण्यात आली आहे. याशिवाय देहू ते आळंदी अशा 12 बसेस ठेवण्यात आलेल्या आहेत.
12 जूनला संत ज्ञानेश्वर महाराजांच्या पालखीचं प्रस्थान आळंदीमधून होतं. त्यामुळे पहाटे अडीच वाजेपासून स्वारगेट, पुणे स्टेशन, हडपसर, म.न.पा. या ठिकाणावरून आळंदीला जाणेकरिता जादा 18 बसेसची व्यवस्था करण्यात आलेली आहे. त्यासोबतच कायम सुरु असणाऱ्या बस सकाळी साडे पाच वाजेपासून सुरु असेल. नेहमीच्या मार्गावरील 113 बसेस आळंदीसाठी भोसरी आणि विश्रांतवाडीपर्यंत भाविकांच्या सेवेसाठी संचलनात राहणार आहेत.
[ad_2]