मोठी बातमी : गोडसेंपाठोपाठ छगन भुजबळही तडकाफडकी मुंबईला रवाना, नाशिकच्या जागेचा तिढा वाढणार?



( प्रगत भारत । pragatbharat.com)

Nashik Lok Sabha Constituency : महायुतीत (Mahayuti Seat Sharing) नाशिक लोकसभा मतदारसंघाचा तिढा अद्याप कायम आहे. शिवसेना, भाजप आणि राष्ट्रवादी अजित पवार गटाकडून या जागेवर दावेदारी करण्यात आली आहे. नाशिक लोकसभा मतदारसंघासाठी राष्ट्रवादी अजित पवार गटाचे मंत्री छगन भुजबळ (Chhagan Bhujbal) यांना उमेदवारी मिळण्याची संकेत आहेत. त्यामुळे विद्यमान खासदार हेमंत गोडसे (Hemant Godse) पुन्हा एकदा तातडीने मुंबईला रवाना झाले. आता गोडसेंपाठोपाठ छगन भुजबळदेखील मुंबईकडे रवाना झाले आहेत. 

मुख्यमंत्री एकनाथ शिंदे (Eknath Shinde) यांचे चिरंजीव खासदार श्रीकांत शिंदे (Shrikant Shinde) यांनी नाशिक येथे झालेल्या शिवसेना मेळाव्यात हेमंत गोडसे यांच्या उमेदवारीची घोषणा केली होती. यानंतर नाशिकच्या महायुतीच्या इच्छुकांमध्ये मोठी खळबळ उडाली होती. भाजपची नाशिकमध्ये अधिक ताकद आहे, असे म्हणत नाशिक भाजपकडून या मतदारसंघावर दावा करण्यात आला. तर दिल्लीतून नावाची चर्चा झाली, असे म्हणत छगन भुजबळांनी लोकसभा निवडणुकीचे (Lok Sabha Election 2024) रणशिंग फुंकले. 

हेमंत गोडसे बंडखोरी करणार? 

छगन भुजबळांना (Chhagan Bhujbal) उमेदवारी मिळणार असे समजताच हेमंत गोडसे तडकाफडकी मुंबईला रवाना झाले. हेमंत गोडसे आणि शिवसेना पदाधिकारी आज पुन्हा मुख्यमंत्री एकनाथ शिंदे (Eknath Shinde) यांची भेट घेणार आहेत. त्यानंतर ही नाशिकची जागा शिवसेनेला (Shiv Sena) सुटली नाही तर गोडसे बंडखोरी करत अपक्ष लढण्याच्या तयारीत असल्याचे समजते. हेमंत गोडसेंनी बंडखोरी केल्यास नाशिकमध्ये मोठा राजकीय भूकंप पाहायला मिळणार आहे. 

भुजबळ मुंबईत कुणाची भेट घेणार?

गोडसेंपाठोपाठ छगन भुजबळदेखील मुंबईला (Mumbai) रवाना झाले आहेत.  गोडसे मुंबईत असताना भुजबळही मुंबईच्या दिशेने निघाल्याने चर्चांना उधाण आले आहे. भुजबळ मुंबईत कुणाची भेट घेणार ? उमेदवारीबाबत काय निर्णय होतो, याकडे आता सर्वांचे लक्ष लागले आहे. मुंबई दौरा आणि उमेदवारी याचा काही संबंध नसल्याचे भुजबळ यांच्या गोटातून स्पष्टीकरण देण्यात आले आहे. मात्र आज नाशिकच्या जागेचा तिढा सुटण्याची शक्यता आहे. त्यामुळे आता नाशिकमधून भुजबळ की गोडसे?  कुणाला उमेदवारी मिळणार हे पाहणे महत्वाचे ठरणार आहे. 

इतर महत्वाच्या बातम्या 

मोठी बातमी : तिकीट कापलेले भाजप खासदार थेट मातोश्रीवर, ठाकरे गटात प्रवेश करुन मैदानात उतरणार?

Nashik Loksabha : छगन भुजबळांना लोकसभा निवडणुकीत मराठा समाज घाम फोडणार? मराठा क्रांती मोर्चाचा गंभीर इशारा!

अधिक पाहा..

Related posts