[ad_1]
( प्रगत भारत । pragatbharat.com)
जर एखाद्या गोष्टीवरची चर्चा थांबवायची असेल तर ती गोष्ट थोडीशा बाजूला ठेवायची असते, असे म्हटले जाते. बीसीसीआय या गोष्टीचाच अवलंब रोहितच्या कर्णधारपदाबाबत करणार आहे. सध्या धावांसाठी धडपडणारा भारतीय क्रिकेट संघाचा कर्णधार रोहित शर्माला आगामी विंडीज दौऱ्यातून विश्रांती मिळण्याची शक्यता आहेत. तशी माहिती टाइम्स वृत्त समुहास सुत्रांकडून मिळाली आहे. या दौऱ्यासाठी संघनिवड २७ जून रोजी म्हणजेच दुलीप करंडकास सुरुवात होण्याआधी होईल. दुलीप करंडकाचे आयोजन बेंगळुरूत होणार आहे. रोहितला विश्रांती दिल्यास कसोटी संघात पुनरागमन करणाऱ्या अजिंक्य रहाणेकडे बदली कर्णधारपदाची धुरा सोपविण्यात येईल. अजिंक्यने यशस्वी पुनरागमन करत जागतिक कसोटीच्या अंतिम फेरीत ८९ आणि ४६ धावांची खेळी केली.
विंडीज दौऱ्यावरील दोन कसोटींच्या मालिकेची सुरुवात १२ जुलै रोजी डॉमिनिका कसोटीने होईल. तर दुसरी कसोटी त्रिनिदाद येथे होईल. ‘यंदाची आयपीएल आणि नुकतीच आटोपलेली जागतिक कसोटी अजिंक्यपदाची फायनल दरम्यान रोहित थकलेला दिसला. यामुळेच निवड समिती त्याला विंडीज दौऱ्यातून विश्रांती घेण्यास सूचविणार आहे. यामुळे रोहित कसोटी मालिका किंवा मर्यादित षटकांच्या मालिकेस (तीन वनडेंची मालिका आणि पाच टी-२०ची मालिका) मुकण्याची शक्यता आहे. अर्थात या विश्रांतीचा निर्णय रोहितशी चर्चा करूनच घेतला जाईल’, अशी माहिती सुत्रांनी दिली.
रोहितला वेस्ट इंडिजविरुद्धच्या दोन कसोटी सामन्यांपासून दूर ठेवले जाईल आणि त्यामुळे रोहितच्या कर्णधारबाबतची चर्चा थांबू शकते. त्यामुळे रोहित आता वेस्ट इंडिजविरुद्धच्या पहिल्या दोन कसोटी सामन्ययांमध्ये खेळणार नसल्याची माहिती सूत्रांनी दिली आहे.
[ad_2]
