[ad_1]
( प्रगत भारत । pragatbharat.com)
माजी भारतीय फलंदाजाने २००३-०४ या वर्षातील दिग्गज क्रिकेटपटू सुनील गावस्कर यांना भेटण्याचा एक किस्साही शेअर केला. त्यांनी सांगितलं, की पृथ्वी शॉने माझ्यासोबत एका जाहिरातीचं शूट केलं होतं. शुभमन गिलदेखील तिथे होता. त्यापैकी एकानेही एकदाही क्रिकेटबाबत चर्चा केली नाही. आम्ही त्याठिकाणी ६ तास होतो.
जर तुम्हाला कोणाशी बोलायचं आहे, तर तुम्हाला त्यांच्याशी संपर्क करावा लागेल. ज्यावेळी मी संघात नवीन होतो, त्यावेळी मला सुनील गावस्कर यांच्याशी बोलायचं असायचं. त्यावेळी मी जॉन राइट यांना सांगितलेलं, की मी नवा खेळाडू आहे, सुनील गावस्कर मला भेटतील की नाही मला माहित नाही, पण तुम्ही त्यासाठी नियोजन करा, असं सांगितलं असल्याची आठवण सेहवागने सांगितली.
त्यानंतर सेहवागने सांगितलं, की राइटने माझ्यासाठी २००३-०४ मध्ये डिनरचं आयोजन केलं आणि मी त्याला माझ्यासोबत आकाश चोपडापण येईल असं सांगितलं. जेणेकरुन आम्ही क्रिकेटबाबत, फलंदाजीबाबत बोलू शकू. त्यानंतर आम्ही सुनील गावस्कर यांच्यासोबत जेवण केलं. तुम्हाला स्वत:ला यासाठी प्रयत्न करावे लागतील. सुनील गावस्कर तुमच्याकडे येणार नाहीत, त्यांच्याशी बोलण्यासाठी तुम्हाला स्वत:ला प्रयत्न करावे लागतील असंही सेहवानने सांगितलं.
सेहवागने सांगितलं, जर शॉने बोलण्याचा प्रयत्न केला नाही तर मला खात्री आहे की कोणीतरी करेल…तो दिल्लीसाठी खेळत आहे त्यामुळे त्याला जर बोलायचं असेल तर त्याने दिल्लीच्या सीओओला विनंती करावी. तुम्ही क्रिकेटमध्ये कितीही प्रतिभावान असलात तरी जर तुम्ही मानसिकदृष्ट्या फिट नसाल तर तुमचं काहीही होऊ शकत नाही.
[ad_2]
