[ad_1]
( प्रगत भारत । pragatbharat.com)
नीरज चोप्राचे हे ८वे आंतरराष्ट्रीय सुवर्णपदक आहे. याआधी त्याने आशियाई खेळ, दक्षिण आशियाई खेळ आणि ऑलिम्पिक यांसारख्या स्पर्धांमध्ये सुवर्णपदके जिंकली आहेत. तर यावर्षी नीरज चोप्राच्या खात्यात हे दुसरे सुवर्णपदक आले आहे. यापूर्वी नीरजने दोहा डायमंड लीगमध्येही सुवर्णपदक जिंकले होते.
लुसानेमध्ये खराब सुरुवात
लुसाने डायमंड लीगमध्ये नीरज चोप्राने फाऊलसह सुरुवात केली. मात्र, त्याचा दुसरा आणि तिसरा प्रयत्न दमदार ठरला. त्याने दुसऱ्या प्रयत्नात ८३.५२ मीटर फेक केली, तर तिसरा थ्रो ८५.०४ मीटर होती, मात्र या तीन प्रयत्नांच्या स्कोअरच्या आधारे जर्मनीच्या ज्युलियन वेबरने ८६.२० असे अंतर गाठून आघाडी कायम राखली.
दरम्यान, नीरजचा चौथा प्रयत्नही फाऊल झाला. यामुळे तो दडपणाखाली आला पण पाचवा प्रयत्न त्याच्यासाठी गोल्डन आर्म ठरला आणि त्याने ८७.६६ मीटर लांब फेक केली. या थ्रोने तो पुढे गेला. त्याच वेळी, त्याची शेवटचा थ्रो ८४.१५ मीटर होता.
नीरज चोप्राला जर्मनीच्या ज्युलियन वेबरकडून कडवी टक्कर मिळाली. वेबरने शेवटच्या प्रयत्नात ८७.०३ मीटर फेक केली. मात्र, सुवर्णपदकापर्यंत त्याला हे अंतर पार करता आले नाही आणि त्याला रौप्यपदकावर समाधान मानावे लागले. तर झेक प्रजासत्ताकच्या जाकुब वडलेजेने कांस्यपदकासह तिसरे स्थान पटकावले.
नीरज चोप्राचे दुखापतीतून पुनरागमन
या वर्षी मे महिन्यात दोहा डायमंड लीगमध्ये नीरज चोप्राने ८८.६७ मीटर फेक केला होता. या स्पर्धेनंतर त्याला हॅमस्ट्रिंगचा त्रास झाला. यामुळे त्याला काही स्पर्धांमधून आपले नाव मागे घ्यावे लागले. मात्र, या काळात नीरजने आपल्या फिटनेसवर मेहनत घेतली आणि स्वित्झर्लंडच्या लुसाने डायमंड लीगमध्ये सुवर्णपदक जिंकून इतिहास रचला.
[ad_2]
